სიესტა

ახალი გამოცემები

2012-01-26T23:25:00.000-08:00

გამომცემლობა "სიესტა" სამ ახალ წიგნს წარმოგიდგენთ:

1) "ოქტავა" – დალილა ბედიანიძის ახალი პოეტური კრებულია. ლექსები გაწელილი "ქვე–ცადან" "ზე–ცამდე", "ზე–სკნელიდან" "ქვე–სკნელამდე"; შემზარავი, სიურრეალისტური და ეროტიკული ფიქრები მდინარის მესამე ნაწილზე.

2) "ორი მთვარის ამბავი" – რომანი “ორი მთვარის ამბავი” წარმოადგენს ერთი გვარის ამბავს, რომელიც ლეგენდის თანახმად ტბაში ბინადარი ალისაგან წარმოიშვა. რომანის ნარატივი ისეთივე არეული და წყვეტადია, როგორც საქართველოს ისტორია საერთოდ: რომანი ეპიზოდებად ვითარდება, სადაც მამა-პაპათა და შვილთაშვილთა ამბავი, დიალექტი და თბილისური სლენგი ერთმანეთში გადადის. ეს არის საგა, რომელშიც გასაბჭოებამდელ, საბჭოთა და პოსტ-საბჭოთა პერიოდების აბსურდულ კარუსელში ძველი და ახალი თაობები კარგავენ და ხელახლა პოულობენ ერთმანეთს.

3) "მადლის ქვა" – "თოვლის ფიფქების ჩუმი შრიალი ჩაწერილია ათას ცხრაას ოთხმოც წელს და კიდევ ერთხელ მოსმენილია ოცდაათი წლის შემდეგ." – მიხო მოსულიშვილის მეთხუთმეტე წიგნი.

"დაუჯდომელი"

2011-12-21T23:59:00.000-08:00

პაატა შამუგია მიმართავს წერის ისეთ პრაქტიკას, რომელიც დაკავშირებულია უართან – ის ენობრივ დაუმორჩილებლობას უცხადებს პოეტურის ტრადიციულ გაგებას ქართულ პოეზიაში. ამ ტექსტების სახით ჩვენ გვაქვს პოეტური გამოთქმის ტიპი, რომელიც ჩამოყალიბებულია, როგორც განსხვავებული ენების საკუთარ სამოქმედო არეალში მოქცევით და გადათამაშებით, ისე კიჩის ინსტრუმენტალიზებითა და პოეტური იმიჯების (პოეტი-ექსპერტი, პოეტი-ლირიკოსი, პოეტი-ტრიბუნი...) განუწყვეტელი ცვლით, რაც ვლინდება რელიგიური თემატიკის დამუშავებაში, ლექსების ყოველდღიურ თემებზე ორგანიზებაში ან პოლიტიკურ კომენტარებში… -- გიორგი ხასაია

LiTTravel 2011

2011-11-21T00:39:00.000-08:00

9–10 ნოემბერს საგამომცემლო სახლ „სიესტა“–სა და ელექტრონულ ბიბლოთეკა „lib.ge“–ს მიერ ორგანიზებული ფესტივალი ”LiTTravel“ გაიმართა. სტუმრებმა, სომხეთიდან და აზერბაიჯანიდან, ქართველ მწერლებთან ერთად განიხილეს თემა – "კავკასიური იდენტობა და ლიტერატურა“.

ხდება ხოლმე რომ ქვეყნებს მხოლოდ შექსპირის, ჯოისის, კაფკას, მილერისა თუ დოსტოევსკის გამო სტუმრობენ. ჩვენმა საგამომცემლო სახლმა კლასიკური ლიტერატურული ფესტივალისა და ტურიზმის ამ ფორმის გაერთიანება განიძრახა.

თბილისს საუკუნის დასაწყისში „ფანტასტიკურ ქალაქს“ უწოდებდნენ, როცა უამრავი მართლაც ფანტასტიკური შემოქმედის გზები გადაიკვეთა. ჩვენ შევეცდებით აღვადგინოთ ეს ტრადიცია. ”LiTTravel“ ყოველ წელს უმასპინძლებს საქართველოში სხვადასხვა ქვეყნიდან ჩამოსულ მწერლებს.

ფესტივალის დასასრულს, ლიტერატურის მუზეუმში ზურა ქარუმიძის ინგლისურენოვანი რომანის, "Dagny or a Love Feast“ პრეზენტაცია გაიმართა.

ასევე პროექტის ფარგლებში შეიქმნა „LiTTravel“–ის ბიბლიოთეკა, რომელსაც ჩამოსულმა ავტორებმა თავიანთი წიგნები უსახსოვრეს. მომავალში ამ ბიბლიოთეკაში მოიყრის თავს „ლიტ.მოგზაურობის“ შთაბეჭდილებები.

ჰაველის პიესები

2011-11-16T04:22:00.000-08:00

ამ პიესებში ხშირია დუმილიც და ბრიყვული ლაყბობაც. ვისაც სურს, შეუძლია დაესწროს მას, როგორც უშინაარსო კომედიებს. ეს პიესები არაა ნიჰილისტური და ეს მნიშვნელოვანია – ისინი გამაფრთხილებელია. ისინი არც გვამშვიდებენ და არც იმედს გვისახავენ: ისინი მხოლოდ იმას გვახსენებენ, თუ როგორ ვცხოვრობთ – იმედის გარეშე. ამაშია მათი გამაფრთხილებელი მისია. - ვაცლავ ჰაველი

ჩეხურიდან თარგმნა მაია ნაჭყებიამ

"სიესტას" შემოდგომა–ზამთრის კოლექცია

2011-11-02T02:54:00.000-07:00

გამომცემლობა "სიესტა" წარმოგიდგენთ შემოდგომა–ზამთრის კოლექციას: ზურაბ ქარუმიძე, პაატა ქურდაძე და გიორგი მაისურაძე. კოლექცია გვაოცებს ეთნიკური ტენდენციების ფსიქოდელიური ინტერპრეტაციებით. თბილისური მოდერნის კოლაჟებით, ექსპერიმენტული განცდებითა და ერთგვარი აპოკალიფტურობითაც კი. კოლექცია ლიტერატურისა და პუბლიცისტიკის ნაზავია, და მხიარულ ფერებთან ერთად მუქ ფერებსაც მოიცავს. დომინირებს მხოლოდ ხარისხიანი, გემრიელი ლიტერატურული სტილი, რაც როგორც მოგეხსენებათ ყველა სეზონზე აქტუალურია.

ზურაბ ქარუმიძის ახალი რომანი, ჩემი აზრით, არაა, უბრალოდ, ამა წლის ყველაზე მნიშვნელოვანი სალიტერატურო მოვლენა! ესაა მოვლენა, რომლის შემდეგაც თანამედროვე ქართულ სალიტერატურო სივრცეში, პირადად ჩემთვის, რაღაც დალაგდა (გადალაგდა?). ქარუმიძის ”მელია-ტულეფია: Foxtrot” (მაინც ეს ორი ურთიერთამრეკლავი სათაური?!) - ესაა ჩვენი ქართული მოდერნიზმის ჭეშმარიტად ჩვენებურად პოსტმოდერნისტული აპოლოგია, აპოლოგია - ამ სიტყვის ძველი ანტიკური გაგებით - გამართლება: ქართულმა მოდერნიზმმა კიდევ ერთხელ გაამართლა - მან იპოვა თავისი ნამდვილი მემკვიდრე. –– ზაზა შათირიშვილი

"ეს ამბავი მაშინ მოხდა, როცა მე დიდი ვიყავი.
აპოკალიპტური მხეცი ჩვენს ქალაქს ესტუმრა და მდინარეში დაიხრჩო. ამიტომაც, სცენარი იცვლება და განკითხვის ჟამიც აღარასდროს მოვა. გადავრჩით!
და ჭეშმარიტად, ჭეშმარიტად გეუბნებით, რომ სამყარო ზღაპარია, რომელსაც იდიოტი გვიყვება."

“ყველა თაობას კი თავისი ვაშლი აქვს მოსაწყვეტი – რომ მის ადგილზე ახალი გაიზარდოს. და ეს სამყაროსავით ძველი ლოგიკა დამყაყებულ დოგმად არ აქციოს, რომ ღმერთი ცოცხლების ღმერთად დარჩეს და არ მოკვდეს, რადგან ღმერთის უკვდავების შანსი ჩვენ, ადამიანები ვართ, და მას ეს კარგად ესმის.”

წიგნი, რომელმაც ამერიკული ლიტერატურის განვითარების გეზი შეცვალა

2011-11-02T02:48:00.000-07:00

„გამოცემიდან საუკუნენახევრის შემდეგ უოლდენი ბუნებისკენ მიბრუნების, მისი დაცვის, სამოქალაქო დაუმორჩილებლობის, ბიზნესის სულის საწინააღმდეგო მუხტის ისეთ ტოტემურ წიგნად იქცა, თორო კი – როგორც დაუმორჩილებელი მეამბოხე, როგორც ახირებული განდეგილი და წმინდანი დღეს ისეთი ცოცხალი და აქტუალურია, რომ დიდია საშიშროება, „უოლდენიც“ ისეთ თაყვანსაცემ, მაგრამ წაუკითხავ წიგნად იქცეს, როგორიც ბიბლიაა.“ (ჯონ აპდაიკი)

ანდრაშ პეტეცის უცხოელები

2011-10-26T02:18:00.000-07:00

ანდრაშ პეტეცი საშუალო თაობის უნგრელი მწერალია. ცხოვრობს და მოღვაწეობს ბუდაპეშტში, გამოცემული აქვს ლექსების რამდენიმე კრებული და ორი რომანი: „დაბადების დღე“ და „უცხოელები. ოცდაათი წუთი ომის დაწყებამდე“. მისი ორივე რომანი ბავშვების თავგადასავალს შეეხება, „დაბადების დღის“ მთავარი პერსონაჟია ბიჭი, ხოლო უცხოელებისა - გოგონა, სახელად ანა. „დაბადების დღე“ შედარებით მარტივი რომანია, იგი შედგება მოკლე მოთხრობებისგან, რომელსაც რომანის მთავარი პერსონაჟი ტონი ზიეგლერი მოგვითხრობს, როგორც ბავშვობის დროინდელ თავგადასავლებს. ამ რომანს ახასიათებს თხრობის სისადავე და ბავშვური შთაბეჭდილებების მარტივად გააზრება და გადმოცემა. ისევე როგორც რომანში „უცხოელები“. აქაც აღწერილია ბავშვებისა და უფროსების ურთიერთდამოკიდებულება, დაპირისპირება მშობლებსა და შვილებს შორის, რომელიც შვილების გამარჯვებით მთავრდება. ანა – უცხოელების მთავარი პერსონაჟი –უკანონო შვილია. არ იცის ვინ არის მისი მამა, დედა კი – მსუბუქი ყოფაქცევის ახალგაზრდა ქალია, ანას რთული ფსიქიკა აქვს, რასაც მისი ცხოვრების წესი განაპირობებს. იგი გამძაფრებით შეიგრძნობს დედამისის უარყოფით თვისებებს და ზოგჯერ მისი დედისამდი სიყვარული სიძულვილამდეც მიდის, იგი რამდენჯერმე ამბობს კიდეც, რომ არ უყვარს დედა, რომელიც მას ტყუილების ლაპარაკს და ამორალურ საქციელს აჩვევს. რომანი დაბადების დღე, უნგრეთის ცხოვრების შედარებით მშვიდ პერიოდს ასახავს. ხოლო უცხოელებში ასახულია დრო, როდესაც იმატებს უცხოელების შემოსვლა ქვეყანაში და იმატეს ტერაქტებმა. რომანში აღწერილია რამდენიმე ტერაქტი. ერთ–ერთ ტერაქტს ემსხვერპლა ანას დედა და გოგონა სრულიად მარტო დარჩა. მას მღვდელი პატრონობს. რომანში აღწერილი ბოლო ტერაქტი ჩვენი ვარაუდით, ბესლანის ტრაგედიის გამოძახილს უნდა წარმოადგენდეს. რომანი ამ ტრაგედიის მსხვერპლთა საფლავების დასუფთავებით იწყება, სასაფლაოზე ერთმანეთს ხვდებიან ანა და მისი ყავარჯნიანი სკოლის მასწავლებელი, რომელიც ანას არ უყვარს და არც არასდროს ყვარებია. იგი ანას ვერ იცნობს და ანას კი არავითარი სურვილი არა აქვს გამოეცნაუროს მას. ანაც სასწაულით გადაურჩება ტერაქტს, სხვა ქვეყანაში გადაინაცვლებს და უკვე ახალგაზრდა ქალად ქცეული თავისი დაღუპული მეგობრების სასაფლაოზე მიდის. მოქმედება ხდება უნგრეთის ერთ–ერთ პატარა ქალაქში, რომლის სახელწოდებაც ჩვენთვის უცნობია. ერთი შეხედვით აქ უნდა გვქონდეს მითოსური ადგილი და მითოსური მოქმედების დრო. თარგმნა დალილა ბედიანიძემ.

14 მილიარდი წელი ჰელიოპოლისის მიღმიერ ლოგოსში

2011-10-18T03:03:00.000-07:00

ავტორი: გოჩა შათირიშვილი

წიგნი სიცოცხლეზე, რომელიც შეიქმნა სამყაროს გაჩენის წამს და გასტანს სამყაროს გაქრობის შემდგომაც. იმოგზაურეთ ჩემთან ერთად 14 მილიარდი წელიწადი. არ შეგეშინდეთ, ეს მოგზაურობა სულ 24 გვერდიანია. ისტორია სამყაროს შექმნიდან დღემდე.

" გააუქმეს წარსულიცა და მომავალიც, ამოიშანთეს გულებიდან დრო, დაამხეს ცადაწვდილი ქრონომეტრი, განდევნეს სამთავიანი ღმერთი ქრონოსი დედამიწაზე თავისი მარადიული ბორბლიანად, არ სჭირდებოდათ დროის მამა მეტი, ქრონოსი ანაქრონოსად მონათლეს და დაიწყეს ცხოვრება დროის გარეშე... "

"დაიძრა გოჩას ბედისწერა – საფირონის ტორანის ჩუქურთმები, გიროსკოპივით დატრიალდა სამყარო, ირხეოდა ოცივე განზომილებაში, ბრუნავდა ყველაფერი, რასაც თვალი შეაწვდინა, საფირონის მქრქალ სხივებში, წონა და შეგრძნებები დაეკარგა."

"მზის წიაღიდან ამოფრქვეულმა სიყვარულის ცეცხლმა გულები უკვდავებად აქცია; ჟინის მორევში ინთქმებოდნენ შეყვარებულები, დაუსრულებელი ვნების კოსმოსში, საიდანაც გამოსვლას ვეღარავინ ახერხებდა. საუკუნო ნეტარი ჟრუანტელი გაუსაძლისად ექცათ, ჰედონიზმის ლაბირინთიდან ამოსვლას კი პერსეფონე არ ანებებდათ. სიბილასავით ენატრებოდათ სიკვდილი ვნებისაგან გამოფიტულებს, მაგრამ ფერად სარკოფაგებში ჩამწყვდეულები ტკბობის პირამიდის ლაბირინთებში ჩაკარგულიყვნენ. ორქიდეების ხეივანში ნიმფებთან, ანდრომედასთან, ნერეიდებსა და სირინოზებთან ერთად მარადიული ტკბობა ჰქონდათ მისჯილი. იმქვეყნიურ ცხოვრებაში ნეტარება ტანტალოსის ტანჯვად, ინანასა და გეშთინანას ბედისწერის ამეთვისტოს მცნებებად, ზედმეტ ტვირთად ექცათ მათ მფლობელებს, ტკივილამდე მისული ჟინი კი აღარ უშვებდა ჰედონურ გულებს მაღლა ღმერთების სამფლობელოში, ხუნდებითა და ბორკილებით შეებოჭა კლეოპატრას დანატოვარი. "

გიორგი მაისურაძის წიგნის პრეზენტაცია (ფოტოები)

2011-10-12T03:09:00.000-07:00

7 ოქტომბერს, გამომცემლობა "სიესტაში" გიორგი მაისურაძის წიგნის პრეზენტაცია გაიმართა.

ელზა ახვლედიანის წერილი მალხაზ ხარბედიას

2011-10-11T02:47:00.000-07:00

არსებობს ასეთი აზრი, „არა და არ გამოუჩნდა ესპანურენოვან ლიტერატურას ქომაგი“–ო. ეს არ არის მართალი. თუ მხედველობაში მივიღებთ იმას, რომ ესპანური ენა სხვა ევროპულ ენებთან შედარებით (ინგლ., ფრანგ., გერმ.) ახალი „შემოსულია“ საქართველოში, ვფიქრობ, არც ისე ცოტაა გაკეთებული ესპანურენოვანი ლიტერატურის თარგმნის საქმეში.

ვიხსენებ 1955–წელს, როცა ჯერ კიდევ სტუდენტმა ესპ. ენიდან თარგმნილი სესარ დე არკონადას მოთხრობა „მადრიდის ღამე“ მივიტანე გაზ. „ახალგაზრდა კომუნისტის“ რედაქციაში. უნდა გენახათ, რა ამბავი დატრიალდა“: როგორ, საიდან ესპანური ენაო. ავუხსენი, რომ უცხო ენათა ინსტიტუტში ახლად გახსნილი ესპანური ჯგუფის სტუდენტი ვიყავი (პირველი გამოშვება)... მას შედეგ ნახევარ საუკუნეზე მეტია ვთარგმნი, ვაკეთებ ჩემს საყვარელ საქმეს. ცალკე წიგნებად გამოცემული მაქვს:

· ესპ. მწერლის ხუან გოიტისოლოს რომანები „ცირკი“, „კუნძული“
· ანა–მარია მატუტეს რომანი „ჯარისკაცები ტირიან ღამით“
· არგენტინელი მწერლის რობერტო პაიროს „ლაუჩას ქორწინება“,
· ვენესუელელი რომულო გალიეგოსის რომანი „დონია ბარბარა“,
· კოლუმბიელი გ.გ მარკესის ოთხი რომანი და მოთხრობები, (გამომცემლობა "სიესტა")
· ურუგვაელი მარიო ბენედეტის რომანები „სულის მოთქმა“, „მადლობა ცეცხლისთვის“ და მოთხრობები.

მალე გამოვა არგენტინელი მწერლის კარლოს მარია დომინგესის წიგნი „ქაღალდის სახლი“. გეგმაში მაქვს ქართველ მკითხველს გავაცნო პოპულარული ესპანელი მწერლის არტურო პერეს–რევერტეს პროზა. ამ მწერლის ერთი მოთხრობა „ღირსების საქმე“ უკვე დაიბეჭდა ჟურნალ „ლიტერატურულ პალიტრაში“.

ქართველ მკითხველს შესაძლებლობა მიეცა წაეკითხა:

· სერვანტესის „დონ კიხოტი“ (ბაჩანა ბრეგვაძე)
· მარკესის რომანები და მოთხრობები (თეა გვასალია)
· ოტერო სილვას რომანი „როცა მეტირება, არ ვტირი“ (თ. გვასალია)
· პერეს გალდოსის რომანები „სარაგოსა“’, „დონია პერფექტა“ (გ. გოგიჩაიშვილი)
· ხუან რულფოს „პედრო პარამო“ და მოთხრობები (მედეა ზუბალაშვილი)
· მეგელ ასტურიასის „ბატონი პრეზიდენტი“ (ნინო სამუკაშვილი)
· კარპენტიერის რომანი „განმანათლებელი საუკუნე“ (მედეა ზუბალაშვილი)
· მიგელ დე უნამუნოს ესსები და რომანები (მერი ტიტვინიძე, გამომცემლობა "სიესტა")
· კრებული „ლათინურ–ამერიკული მოთხრობები
· კამილო ხოსე სელას „დუარტეს ოჯახი“ (ლამარა თურმანიძე)
· ვარგას ლიოსას „ლეკვები“, „ხულია დეიდა და მოკალმე“ (ამ. გაბისკირია)
· ხიმენესის „პლატერო“ (მანანა გიგინეიშვილი)
· მიგ. დელიბესის „ხუთი საათი მარიოსთან“ (ლალი ბრეგაძე)
· ხულიო კორტასარის მოთხრობები
· ორასიო კიროგას მოთხრობები
· გარსია ლორკას პოეზია (ნ. ხატისკაცი, მაია ნათაძე)

გაბრიელ გარსია მარკესი

ეს – რაც მე გამახსენდა. ასე რომ „მ. ტიტვინიძის თარგმნილი უნამუნო და ელზა ახვლედიანის „გადმოქართულებული“ მარკესი“ მართლაც რომ ვერაფრით უშველიდა ესპანურენოვანი ლიტერატურით დაინტერესებულ ქართველ მკითხველს. შესაძლოა, ეს ჩამონათვალი არც ისე ბევრია, მაგრამ, ვფიქრობ, არც ცოტაა დროის იმ მონაკვეთისთვის, რომლის ათვლაც გასული საუკუნის 50–იანი წლებიდან იწყება. მადლობა მთარგმნელებს.

ჯერი ახალ თაობაზე!

ელზა ახვლედიანი

2011 წ.

გაუხუნარი ფერები

2011-09-02T02:33:00.000-07:00

წმ. რომანოზ მელოდოსი
ეზრა პაუნდი
ანდრეი ბელი
იოზეფ ფონ აიხენდორფი
კლემენს ბრენტანო
სოფი მერო
ლუიზე ჰენზელი
კაროლინე ფონ გუნდეროდე
ვილჰელმ მიულერი
ფრიდრიჰ ჰალმი
იულიუს შტურმი
ოტო როქვეტე
დენი დიდრო
არტურ რემბო
ანრი მიშო
შარლოტა დელბო
ადამ მიცკევიჩი
უნგურლი ფოლკლორი
ალექსანდრე ბლოკი
იგორ სევერიანინი
ალექსანდრე ტვარდოვსკი
მარინა ცვეტაევა
ანა ახმატოვა
კონსტანტინე სიმონოვი
კონსტანტინე ბალმონტი
ნინა გაბრიელიანი

მთარგმნელები: ნინო ბარამიძე, მარიამ ქსოვრელი–ხართიშვილი, ანა როენა ყენია, გიორგი წიბახაშვილი, თეიმურაზ ჭანტურიშვილი, რუსუდან ჭანტურიშვილი

ერლომ ახვლედიანის „კოღო ქალაქში“

2011-07-06T07:05:00.000-07:00

„სად ვეძებო ის, რაც არ არის,

რომ არ მქონდეს ის, რაც არის,

რომ არ იყოს ის, რაც არის“ – ერლომ ახვლედიანი

პირველი, რაც ამ რომანის კითხვისას შევნიშნე, არის ის, რომ „კოღო ქალაქში“ არა უბრალოდ რომანია, არამედ – რომანი–პოემა და იგი პოეტის დაწერილი უნდა იყოს, იმდენად პოეტურია ერლომ ახვლედიანის ენა და სტილი. თვით კოღო – ეს უმწეო, პაწაწინა არსება პოეტის თვალით დანახული სამყაროს სრულუფლებიანი წევრი, გაადამიანებული მწერია და აღიქმება ერთ მთლიან მეტაფორად. მისი ერთადერთი დანაშაული ის არის, რომ სხვებისთვის კბენა შეუძლია, მაგრამ დახეთ მწერლის ფანტაზიას! კოღო ანტიკური მითოსის პერსონაჟ სიყვარულის ცელქ ღმერთ ამურთან არის შედარებული, რომლის კბენაც (მითოსში ისრით დაჭრა) იწვევს სიყვარულს და ეს სიყვარული ავადმყოფობაა, გადამდები ავადმყოფობა, რომელიც არ იკურნება. და ვინაიდან ამური ღმერთია, მისი მოკვლა უპატიებელი დანაშაულია ჩვენი სამყაროს თითოეული წევრისთვის. მაგრამ, ამავე დროს, კოღო უნდა მოკვდეს, უნდა მოკვდეს უდანაშაულო ადამიანი, რათა გაღმერთდეს და ამისათვის კოღო ეძებს მკვლელს, რომელიც მას სიკვდილით სიკვდილისგან იხსნის და მის კოღოდ არსებობას ბოლოს მოუღებს. იგი ეძებს „სიკვდილისა სიკვდილით დამრთგუნეველს“. ეს უკვე მოხდა ოცი საუკუნის წინ და ახლა, ჩვენს საუკუნეში აღარავის უნდა ამ სისხლიანი ტრაგედიის განმეორება – კოღს მიერ მკვლელად არჩეულ ჯუმბერსაც არ უნდა, რომ მოკლას იგი.

სიმბოლური რომანის თავი „სასამართლო“, რომელმაც ნათელი უნდა მოჰფინოს კოღოს – ერთი პატარა არსების, უდანაშაულო ადამიანის მკვლელობის ამბავს. მთელი ეს თავი, ჩვენი აზრით, კაფკას „პროცესის“ გამოძახილს წარმოადგენს, სადაც ხდება ადამიანის გასამართლება – მისი ცოდვილი ბუნების გამო დასჯა – რადგან ადამიანია, ე.ი. ცოდვილია. ამავე დროს, კაცობრიობას ცოდვებისგან იხსნის და განწმენდს შეწირული მსხვერპლი, უმანკო მსხვერპლი.

ერლომ ახვლედიანი „კოღო ქალაქში“ ფილოსოფიური რომანია. მასში მთელი სიმწვავით არის დაყენებული უცოდველი პატარა ადამიანის ყოფნა–არყოფნის საკითხი. მწერალი არ მიმართავს მორალისტურ სენტენციებს, თავს არ გვაბეზრებს განყენებული, აბსტრაქტული მსჯელობით. ლაკონური, სადა, მარტივი ფრაზებით გვესაუბრება და თითოეულ ფრაზას ღრმა ქვეტექსტით ტვირთავს. ეს ფრაზები აისბბერგებივით ცურავენ ტექსტში, მეტასტაზებივით გამჯდარან რომანის სხეულში.

რომანის მოქმედების ადგილი და მოქმედების დრო გაპოეტურებულია. მწერალს გადავყავართ ხილულისა და უხილავის ზღვარზე, არსებულისა და არარსებულის ზღვარზე. იგი ივიწყებს დროსაც და თავში „წიგნის სიყვარულისა“ დროს აითვილის 27 თებერვალიდან 79 თებერვლამდე (შემდეგ არის დღეები – 29 მარტი, 1–9 აპრილი, რომლითაც მთავრდება დღეების ათვლა) ეს თავი მთავრდება პოეტური პასაჟით „დღე და ღამე“:

„დღე–ღამე, უზარმაზარი ციცინათელა, ინთება და ქრება, ინთება და ქრება... სად მიდის დღე? სად იკარგება იგი?

მე ერთხელ ვნახე, თუ სად მიდის დღე, სად იკარგება იგი.“

და მწერალი მართლაც დაკარგული დროის, დაკარგული საარსებო სივრცის ძიებაშია. მთელი რომანი განმსჭვალულია დანაშაულის შეგრძნებით კაცობრიობის ცოდვების გამო, ადამიანის ცოდვილი ბუნების გამო და ამ ცოდვების გამოსასყიდად მიჩნეულია სიყვარული, არა მხოლოდ სამყაროსი, ამა ქვეყნის ძლიერთად სიყვარული, არამედ – ერთციცქნა კოღოს სიყვარული. კოღოს დაკარგვა ისევე ეტკინება კაცობრიობას, როგორც დაკარგვა ადამიანისა, რომელიც დადის ქალაქში და დაეძებს მკვლელს, რათა სიკვდილით სიკვდილისაგან გათავისუფლდეს და მარადისობას შეუერთდეს, რომელსაც არ გააჩნია დრო და სივრცე, უსასრულოა და დაუსაბამო.

დალილა ბედიანიძე

გველის მჭამელი

2011-05-25T01:46:00.000-07:00

ვაჟა–ფშაველას 150 წლის იუბილესთან დაკავშირებით, გამომცემლობა „სიესტას“ საჩუქარი ბავშვებს. „გველის მჭამელი“ მათთვის საყვარელი, კომიქსის ფორმით. მინდიას თავბრუდამხვევი თავგადასავალი გზას გვიხსნის ვაჟა–ფშაველასა და ქართული მითების სამყაროსკენ და მის პოეზიას უფრო მეტი ინტერესითა და ხალისით საკითხავს ხდის. ვინ არის თქვენი შვილის საყვარელი სუპერგმირი? სუპერმენი? ადამიანი ობობა? ამ კომიქსის წაკითხვის შემდეგ ეს ნამდვილად მინდია გახდება.

არგენტინული პიტბული

2011-05-25T01:27:00.000-07:00

„არგენტინული პიტბული“ “მაგიური რეალიზმის” სამხრეთ ამერიკულ ლიტერატურასთანაც გვაგზავნის, კონან-დოილის დეტექტივებთანაც და ტარანტინოს კინოსთანაც. მოულოდნელი წიაღსვლები, სასპენსი, კინოსთვის ნიშანდობლივი დიალოგები და არქიტექტონიკა სანდრო ნავერიანის მოთხრობებს ერთი ამოსუნთქვით საკითხავს ხდის.

ოლდთაუნის საიდუმლოება (ტრილოგიის მესამე ნაწილი)

2011-05-25T01:06:00.000-07:00

"ნატერფალი" / "დახრილი მგზავრი"

2011-05-24T03:26:00.000-07:00

"მე გისახსოვრებ სანუკვარ ტილოს
ფენილს ღაჟღაჟა, მძლავრი ფერებით
წაბლის თაფლივით მწარე ფიქრებით,
მღვრიე წამების გაფერწერებით"

წიგნი თეფშზე

2011-05-10T05:02:00.000-07:00

გამომცემლობა „სიესტას“ ახალი სერია „წიგნი თეფშზე“ მარტივ კონცეფციას ატარებს – მიირთვი ეს ტექსტი, რომელიც საკვებივით მნიშვნელოვანია ავტორისთვის და მკითხველისთვისაც. სტანდარტული სტამბური პროცედურების ნაცვლად წიგნი მიაქვთ სუპერმარკეტში, სადაც ფურცლებს ანთავსებენ და „აფასოებენ“ პლასტიკატის თეფშებზე, ზუსტად ისეთებზე, რომლებიც განკუთვნილია გაყინული ქათმებისთვის, თევზისთვის, ბოსტნეულისთვის, ხილისთვის თუ ნამცხვრებისთვის.

პირველი წიგნი ამ სერიიდან გიორგი კეკელიძის პოემა „ყორანია“. წიგნის შექმნაში მონაწილეობენ: გაგა ლომიძე - ოთხი თავის განმარტება. ოლეგ ტიმჩენკო - ნახატი-ყორანი, ფოტო - გურამ წიბახაშვილი, ესკიზები - თამარა კალხიტაშვილი, გამოცემის კონცეფცია -ალექსი ჩიღვინაძე, დიზაინი - გვანცა მახათაძე.

„რატომ აღმოჩნდა ბარათაშვილი იზოლაციაში? სწორედ ამ კითხვაზე პასუხის გასაღებს გვთავაზობს გიორგი კეკელიძის პოემა „ყორანი“, რომელიც შეგვიძლია, დევნის ისტორიის კონტექსტში, ნიკოლოზ ბარათაშვილის ბიოგრაფიის მონაკვეთებად დავსახოთ. თუმცა, ეს პოემა მხოლოდ პოეტის ცხოვრების ეტაპები როდია. მისი ოთხი ნაწილი, იმავდროულად, არის ოთხი სეზონის, ოთხი ცივილიზაციის მონაცვლეობის და ამ ხნის მანძილზე, დროსთან ერთად, ადამიანის ევოლუციის გაანალიზების თუ იმ კონტექსტში მოთავსების მცდელობა, რომელსაც როგორც ერთგვარი აპოკალიფსური ხატი, მუდმივად გასდევს ბედისწერის - ყორნის თემა. „მიქრის, მიაფრენს უგზო–უკვლო სიტყვებს ყორანი,/უკან მივჩხავი.“

სერიის იდეა წამოვიდა ამერიკელი მწერლის, უილიამ ბეროუზის რომანიდან „შიშველი საუზმე“, რომელიც დიდი ხნის განმავლობაში აკრძალული იყო. რომანი XX საუკუნის ერთ–ერთ საკვანძო ნაწარმოებად მიიჩნევა. სასამართლო პროცესზე რომანის დამცველებად გამოდიოდნენ ნორმან მეილერი და ალენ გინზბერგი. სათაურის იდეა ჯეკ კერუაკს ეკუთვნის. შიშველი საუზმე ანუ გაყინული წამი, როცა ყველა ხედავს, რა არის წამოცმული ჩანგალზე.

„თეფშზე დადებული წიგნები“ ერთგვარი რეფლექსია, სარკაზმი გასტრონომიული მოთხოვნილებების “სულიერ საზრდოზე“ აღმატებულებისა, „ლიტერატურულ კაფეებზე”, სადაც ნამცხვრების გაყიდვებით მიღებული შემოსავალი ბევრად აღემატება წიგნების გაყიდვებით მიღებულ შემოსავალს.

ვინ გვირჩევს სიესტას წიგნებს?

2011-05-06T06:52:00.000-07:00

ანი გოგებაშვილი, მარიამ მორჩილაძე („პარნასი“ ვაკეში)

ს. სიესტას გამორჩეული წიგნები...

პ. 1984 და გაბრიელ გარსია მარკესი.

ს. რატომ?

პ. როცა 1984 წავიკითხე კულტურული შოკი მივიღე, ძალიან ძლიერი ტექსტია. ძლიერი ავტორი.

ს. მყიდველსაც ასე დაუხასიათებთ ამ წიგნს?

პ. მყიდველს გააჩნია.

ს. მაგალითად, რას ეტყვით „ჯაზის ცხოვრებაზე“?

პ. თუ მუსიკა უყვარს, თუ ჯაზი უყვარს, ეს წიგნი უნდა იყიდოს.

ს.. რომელი წიგნი წაიკითხეთ ბოლოს?

პ. პალანიკის „მებძოლთა კლუბი“.

ს. როგორი წიგნია?

პ. რა უნდა ვთქვა, არ მეგონა თუ ფილმის მერე ასე დამშოკავდა...

ნინო დოლიძე („პარნასი“ ლესელიძე)

ს. გაბრიელ გარსია მარკესი...

პ. მარკესს არანაირი რეკლამა არ სჭირდება. საკმარისია, ადგე და მიაწოდო, აი, ეს არის ეს წიგნი.

ს. რას იტყვით „ჯაზის ცხოვრებაზე“?

პ. ჯაზის ცხოვრება, მუსიკაზე თუ რამე უნდა, ქართულად მუსიკაზე თითქმის არ არის წიგნი.

ს. ბოლოს რომელი „სიესტას“ წიგნი წაიკითხეთ?

პ. ბოლოს სიესტას წიგნებიდან წავიკითხე „ვარდისფერი ავტობუსი“, უკეთესი შედეგი მივიღე ვიდრე ველოდი.

მადონა ელიაშვილი (სანტა ესპერანსა)

ს. სიესტას წიგნებიდან რომელს გამოარჩევდი?

კ. ქარუმიძის ჯაზის ცხოვრება ძალიან მაგარია... კიდევ ჰესე. ფორთოხლის გოგონაც მომეწონა. და მომწონს, რომ ახალ ავტორებს გამოსცემთ ხშირად.

ს. თვითონ გამომცემლობას რაც შეეხება, რა გამოარჩევს დანარჩენებისგან?

კ. ორიგინალური დიზაინი.

ბიბლუსი

ს. სიესტას წიგნებიდან რომელს გამოარჩევდი?

ბ. სიესტას წიგნებიდან ალბათ ჩარკვიანის წიგნებს. საბავშვო წიგნებსაც – „გაქვს შენ საიდუმლო“. კიდევ ლექსებია განსხვავებული ფორმით და ორიგინალური დიზაინით.

ს. რითია გამოარჩეული „სიესტა“?

ბ.სიესტას სხვა გამომცემლობებისგან გამოარჩევს დიზაინი, მაგრამ ცუდია რომ საბავშვო ლიტერატურის დიდი არჩევანი არ აქვს. კარგად იყიდება საკითხავი წიგნები. „მიყუჩებული წიგნები“ არ გვამახსოვრდება.

წიგნის სახლი პეკინი (ნიკა პაპოშვილი)

ს. სიესტას რომელ წიგნს გამოარჩევდი?

წ.ს. გაყიდვების თვალსაზვრისით მარკესი პირველ ადგილზეა, ჩემი პირადი გემოვნებით... ჰესსე უფრო მომწონს.

მარკესი – ავტორი რომელიც წერს ადვილად გასაგებ ენაზე, მაგრამ საკმაოდ რთულ თემებზე. მკითხველმა რომ ადვილად შეიმეცნოს, გაიგოს და რაც მთავარია წაიკითხოს. ფილოსოფია, ფსიქოლოგია პატარ–პატარა დოზებით დევს.

ჰესე შედარებით უფრო ფილოსოფიურია. ნარცისი და გოლდმუნდი ყველასათვის უფრო გასაგებია, მეტნაკლებად.

ჯაზის ცხოვრება – კარგი პროექტი იყო, იმიტომ რომ მსგავსი ლიტერატურა არ იყო საქართველოში, თვითონ ნაწარმოებიც ძალიან კარგია, ინფორმაციულიც, კარგად წერს, იუმორიც საკმაო დოზით და რათქმაუნდა ინფორმაცია ჯაზის შესახებ, რომელიც როგორც აღმოჩნდა ბევრს აინტერესებს საქართველოში.

საბავშვო ლიტერატურა საკმაოდ კარგი სერიაა, შემეცნების თვალსაზრისით, ბავშვისთვის მე ვფიქრობ აუცილებელიც კია და საკმაოდ ხშირად ვუწევდი რეკომენდაციას.

საკმაოდ იშვიათი თარგმანები გაქვთ, უცნობი მწერლების, ერთის მხრივ კარგია რომ მკითხველს აცნობთ მწერალს...

ს. რომელი მწერლის თარგმნას გვირჩევდით?

წ.ს. ერთი რაც აუცილებლად „ღვთაებრივი კომედია“ ბაჩანას თარგმანით, მეორე – ფაუსტი. თანამედროვე მწერლებიდან – საინტერესო იქნება ტომ სტოპარდის თარგმანი რომ გაკეთებულიყო, ეჭვი მეპარება ვინმემ ხელი მოკიდოს მაგას...

სიახლეები „ფიქრის გორაზე“

2011-05-06T05:57:00.000-07:00

გურამ წიბახაშვილის ფოტო

ინტერვიუერი - თათა ქაფიანიძე

გამომცემლობა „სიესტა“ 2004 წლიდან მოღვაწეობს საქართველოს წიგნის ბაზარზე და თავიდანვე ახალგაზრდა, დებიუტანტ მწერალთა მხარდაჭერით გამოირჩევა. ბოლო დროს „სიესტამ“ რამდენიმე სიახლე შემოგვთავაზა, მათ შორის პრემია „ჩართული სიტყვა“, რომელიც მხოლოდ ელექტრონულ წიგნებზე გაიცემა სხვადასხვა ნომინაციაში(პოეზია, პროზა, პუბლიცისტიკა,კომიქსი, ექსპერიმენტი). ასევე საინტერესოა კლასგარეშე სწავლების ცენტრის „ფიქრის გორა“ დაარსება, რომელიც „სიესტას“ ახალ ოფისშია განთავსებული.

უფრო დაწვრილებით ამის შესახებ „სიესტას“ წარმომადგენელი ალექს ჩიღვინაძე საუბრობს.

წელს გამომცემლობა “სიესტამ” ინოვაციური პროექტი წარმოადგინა. პროექტი “ჩართული სიტყვა“. რას ნიშნავს „ჩართული სიტყვა“ და რა მიზანი აქვს ამ პრემიის დაარსებას?

ა.ჩ: ეს პროექტი არის ინოვაციური ქართულ, უფრო სწორად კი ამიერკავკასიის მასშტაბითაც, რადგან საუბარია კონკრეტულად ელეტრონული წიგნის კონკურსზე. არსებობს ასეთი ქართული ფრაზა, „სიტყვა ჩავურთე“. აქედან მოვიდა იდეა. ჩვენ შეგვიძლია ჩავრთოთ სიტყვა, როგორც ვრთავთ ელექტრო-მოწყობილობებს, ვრთავთ სინათლეს. ერთისმხრივ, შეიძლება მოგვეჩვენოს, რომ ეს წამოწყება არაფრისმომცემია, რომ სისულელეა ელეტქრონული ლიტერატურის პრემიის შექმნა, როცა ელექტრონული წიგნები საქართველოში თითქმის არ არსებობს. თუმცა, სწორედ ამიტომ გადავწყვიტეთ ამის გაკეთება. ერთი, რომ დავიწყოთ ამ პროდუქტის შექმნა და თანაც დავაფიქსიროთ, რომ თანამედროვე ლიტერატურაში სულ სხვა ტენდენციებია. ელექტრონული წიგნი არის მხოლოდ ათვლის წერტილი და მანიშნებელი, თუ საით შეიძლება წავიდეს ლიტერატურა.

ვინ არჩევს პირველ ეტაპზე ელექტრონული წიგნის ავტორს და ვინ არიან ჟიურიში, რომელიც გამარჯვებულებს გამოავლენს?

ა.ჩ: პირველ ეტაპზე წიგნის მასალას ირჩევს „სიესტას“ სარედაქციო საბჭო. სექტემბრამდე გაგრძელდება ელექტრონული წიგნების არჩევა. ელექტრონული წიგნები ჩვენს საიტსა და ბლოგზე განთავსდება, საიდანაც ნებისმიერ მკითხველს შეეძლება უფასოდ გადმოიწეროს და შეაფასოს ნაწარმოები. სექტემბერში დაკომპლექტდება ჟიური და მკითხველთა ხმების გათვალისწინებით გამოავლენს სხვადასხვა ნომინაციებში გამარჯვებულებს.

როდის იგეგმება დაჯილდოვება?

ა.ჩ : დაჯილდოვება სექტემბრის ბოლოს იგეგმება.

ეს პროექტი ნიშნავს თუ არა, რომ “სიესტა” გეზს ელექტრონული გამომცემლობისაკენ იღებს?

ა.ჩ: სტანდარტული წიგნების ბეჭდვასთან ერთად გავაკეთებთ და გავყიდით ელექტრონულ გამოცემებს. ისეთი კონსერვატიული გამომცემლობაც კი როგორიც „Penguin“–ია, გეზს ელექტრონული გამომცემლობისკენ იღებს. ის კლასიკურ ნაწარმოებებს „Google Map“–ს ურთავს, რითაც საშუალება გვეძლევა ჩვენს საყვარელ პერსონაჟთან ერთად ვიმოგზაუროთ ქალაქის ქუჩებში. აკეთებს სხვადასხვა თანამედროვე მწერალთან ერთად რომანს ვიკიპედიის ბაზაზე... ჰიპერლინკები რომანში მოგზაურობის საშუალებას გვაძლევს. გამომცემლობა „სიესტა“–ს ორიენტირი ყოველთვის იყო ახალგაზრდა, უცნობი ავტორების ხელშეწყობა. ყველაფერი მათზეა დამოკიდებული. თუ ისინი სწორი ვექტორით წარმართავენ თავის შემოქმედებას არ არის გამორიცხული, რომ კიბერ–სივრცეში არანაკლებ საინტერესო პროექტები განხორციელდეს, მიუხედავად იმისა, რომ იმას რაც ჩვენთან ნოვაციურია, დასავლეთში უკვე დიდი გამოცდილება აქვს.

რა უპირატესობა აქვს ელექტრონულ გამოცემას?

ა.ჩ: ერთი, რომ ელექტრონული გამოცემები არის გაცილებით იაფი; მეორეც – ეკოლოგიურია, „ტყე შეუნახე შვილებსაო“–თქვეს ძველებმა მაშინ, როცა ლიტერატურის მატარებელი ზეპირსიტყვიერება, ფოლკლორი და რიტუალები იყო... და ბოლოს ელექტრონული ლიტერატურა გაცილებით ინტერაქტიულია.

როგორ ფიქრობთ, გაუძლებს თუ არა კონკურენციას წიგნი?

ა.ჩ: ტექსტის მატარებელი ეკრანების გაჩენა ბევრმა „წიგნის ხელახალ რევოლუციად“ მონათლა, მიუხედავად ამისა ე–წიგნს ჯერ არ უპოვნია თავისი მკითხველი. ჯერჯერობით კონკურენციაზე ლაპარაკი არ შეიძლება, ხელნაწერი, ბეჭდური და ციფრული ლიტერატურა მშვიდად თანაარსებობენ და ეს სავარაუდოდ კიდევ რამდენიმე ათეული წლის განმავლობაში გაგრძელდება.

კლასგარეშე სწავლების ცენტრი „ფიქრის გორა“. რა ურთიერთობა აქვს ამ ცენტრს გამომცემლობასთან?

ა.ჩ: გამომცემლობა სიესტას ახალი ოფისი ფიქრის გორაზეა, ძველ სახლში, რომელშიც ცხოვრობდა უნივერისტეტის არქიტექტორი სიმონ კლდიაშვილი. ის კოშკიდან სხვა უნივერსიტეტის დამაარსებლებთან ერთად გასცქეროდა იმ ნაგებობის მშენებლობას, სადაც მომავალ თაობებს უნდა მიეღოთ განათლება. სასწავლო ცენტრი „ფიქრის გორა“ სწორედ იმ ოთახში იქნება, საიდანაც ამ კოშკში ასასვლელი კარია. ასე რომ ასეთი „საბედისწერო“ დამთხვევაა, რომ ეს სახლი არ მოწყდა წიგნს და განათლებას...

რა მიზანს ემსახურება ცენტრის ფუნქციონირება?

ა.ჩ: რომ შეიქმნას არაფორმალური საგანამანათლებლო ცენტრი. სადაც ბავშვები და არამარტო ბავშვები თავს იგრძნობენ კომფორტულად. არ იქნებიან შეზღუდული. ისწავლიან იმას რაც აინტერესებთ და ისე როგორც აინტერესებთ.

რაზეა ცენტრი ორიენტირებული?

ა.ჩ: “ფიქრის გორა” ბავშვებზე ფიქრით, მათთვის უსაფრთხო, ჯანსაღი, სტრუქტურირებული გარემოს არსებობის სურვილით შეიქმნა. პროგრამის მიზანია გახადოს ბავშვების ცხოვრება უკეთესი, გაამდიდროს და გააღრმავოს მათი ცოდნა. გათვალისწინებულია წიგნის კითხვის, თემატური საუბრების საათები. დამატებითი არჩევითი საათების ფარგლებში კი ბავშვებს საშუალება ექნებათ აირჩიონ ქორეოგრაფია(საბალეტო სკოლა), სიმღერა, ფერწერა და ხელოვნება.

რა ასაკის ბავშვებზეა გათვლილი ძირითადად?

ა.ჩ: არანაირი ასაკბრივი შეზღუდვა არ არსებობს. ლექციები გათვლილი იქნება, როგორ ბავშვებზე, ასევე უფროსებზე. მეც სიამოვნებით ჩავეწერები ზურაბ ქარუმიძის ჯაზის ისტორიის ლექციებზე. დასწრების 2 საათის ღირებულება 10 ლარია და ამ დროის განმავლობაში ინფორმაციის უწყვეტი ნაკადია, რომლის მიღებაც ისეთივე სასიამოვნო იქნება როგორც ცივი, ნატურალური ხილის წვენისა - ზაფხულში.

ფიქრის გორა

2011-05-03T05:24:00.000-07:00

კლასგარეშე სწავლების ცენტრი “ფიქრის გორა” ბავშვებზე ფიქრით, მათთვის უსაფრთხო, ჯანსაღი, სტრუქტურირებული გარემოს არსებობის სურვილით შეიქმნა. პროგრამის მიზანია გახადოს ბავშვების ცხოვრება უკეთესი, გაამდიდროს და გააღრმავოს მათი ცოდნა. “ფიქრის გორა” გთავაზობთ საგანმანათლებლო, რეკრეაციულ და კულტურულ პროგრამებს, რაც ბავშვებისა და ახალგაზრდების სოციალურ, ფიზიკურ და ინტელექტუალურ განვითარებას შეუწყობს ხელს.

“ფიქრის გორის” კლასგარეშე სწავლების პროგრამები ბავშვებს მრავალფეროვან აქტივობებს სთავაზობს, სკოლა ორშაბათიდან პარასკევის ჩათვლით 3-დან 8 საათამდე და შაბათ-კვირას მუშაობს, რაც სასკოლო ასაკის ბავშვებისათვის არასასკოლო აქტივობებში ჩასართველად საუკეთესო დროა. ჩვენი გამოცდილი და მზრუნველი პედაგოგები ბავშვებს მყუდრო და მხიარულ გარემოს უქმნიან. ჩვენი პროგრამა ბავშვებს სკოლაში შეძენილი ცოდნის გამყარებაში ეხმარება და საზოგადოებასთან იდენტობის გრძნობას უძლიერებს.

ახალი ფეხსამოსი

2011-05-03T04:19:00.000-07:00


თარგმანი ფინურიდან

მხატვარი ჰანნუ ვაისანენ ისევე მოხერხებულად ხატავს სიტყვებით, როგორც ფუნჯით. 1960-იანი წლების ნოსტალგიით გაჯერებული და ალღოიანი მონათხრობი ანტეროს სიჭაბუკეზე, წარმოადგენს ავტობიოგრაფიული ტრილოგიის მეორე ნაწილს, რომელსაც 2007 წელს მიენიჭა ფინეთის ყველაზე პრესტიჟული, ლიტერატურული ჯილდო “Finlandia Prize” წლის საუკეთესო რომანისათვის. ავტორი იუმორით და მხატვრის მდიდარი ფანტა-ზიით მოგვითხრობს იმას, თუ რამდენი ფერი და სილამაზე შეიძლება ვიპოვოთ თვით ჩრდილოეთის ბნელ ზამთარში და მატერიალურ სიდუხჭირეში.

ჩართული სიტყვა

2011-04-20T02:17:00.000-07:00

გამომცემლობა “სიესტა" აარსებს ლიტერატურულ პრემიას “ჩართული სიტყვა", რომელიც მხოლოდ ელექტრონულ წიგნებზე გაიცემა. პროცესში ჩართვისთვის თქვენ ორი ეტაპის გავლა მოგიწევთ. I - გვიგზავნით თქვენს ნაწარმოებს. შერჩეულ ავტორებთან ფორმდება კონტრაქტი და მზადდება ელექტრონული წიგნი, რომელიც “სიესტას" საიტსა და ბლოგზე განთავსდება. ნებისმიერ მკითხველს საშუალება ექნება ჩამოტვირთოს და შეაფასოს წიგნი. II - სექტემბერის თვეში კომპეტენტური ჟიური გამოავლენს სხვადასხვა ნომინაციაში (პოეზია, პროზა, თარგმანი, პუბლიცისტიკა, კომიქსი, ექსპერიმენტი) გამარჯვებულებს.

ჩართე სიტყვა:
ebooks@siestagroup.ge

“განსხვავება ჩვეულებრივ წიგნსა და ელექტრონულ წიგნს შორის მხოლოდ ის არის, რომ ელექტრონულ წიგნზე ჩაიდანს ვერ დადგამ." - ვიქტორ პელევინი

ბორხესი ერთ მოთხრობაში აღწერს წიგნს, რომელსაც ფურცლები ყდიდან ეზრდება. ვერც თავში გადაშლი და ვერც - ბოლოში. უსაზღვრო ცოდნისა და ინფორმაციის მიღებასთან ერთად პერსონაჟს ეუფლება შიში, რომ თუ ამ წიგნს ცეცხლი მოედება, შეიძლება მთელი სამყარო განადგურდეს... ამიტომ, მას ერთ მიყრუებულ ბიბლიოთეკაში მიატოვებს.

ახლა წარმოიდგინეთ საკუთარი თავი, რბილ სავარძელში ჩაფლული. ხურავთ წიგნს, რომლის კითხვაც ეს-ესაა დაასრულეთ. გონებაში აგრძელებთ და ახანგრძლივებთ დასასრულს, რომელიც რვაფეხასავით იზიდავს იმ მონაკვეთებს, რაც კითხვისას გამოარჩიეთ; თავის საცეცებში აქცევს პერსონაჟებს, სიტუაციებს, ფრაზებს. ჭიპლარი, რომლითაც წიგნი თქვენს გონებას უკავშირდებოდა ზედმეტად მტკიცე აღმოჩნდა. გინდათ კიდევ ერთხელ გადაავლოთ თვალი წაკითხულს. წიგნს გადაშლით, მაგრამ ფურცლებზე სრულიად გასხვავებული ისტორია გხვდებათ. სტივენ დედალოსის ნაცვლად პატარა გოგონა, ალისა ელაპარაკება სოკოზე მოკალათებულ ბრძენსა და “ნარკომან" მწერს. რასკოლნიკოვის გულის გამაწვრილებელი შინაგანი მონოლოგის ნაცვლად ტაილერ დერდენის მუშტი გხვდებათ. ვარსქენის მიერ დაჟეჟილი შუშანიკის მაგივრად კი ჟოზეფინა მუტცენბახერი.

ეს არ არის ფრაგმენტი ფენტეზის ჟანრის რომანიდან. ეს არც მაგიური აქტია. ეს - მასაჩუსეტსის ტექნოლოგიური უნივერსიტეტის კვლევაა. ისინი ელექტრონული მელნისა და ფურცლის შექმნაზე მუშაობენ, რაც საშუალებას მოგვცემს, ერთსა და იმავე სიბრტყეზე, ჩვეულებრივი წიგნის ფურცელზე სხვადასხვა ტექსტი მივიღოთ. თუ წიგნში ინტერნეტთან მიერთებული მიკროპროცესორი იქნება ჩამონტაჟებული, ტექსტი ისე შეიცვალება, როგორც ცაზე ღრუბლების განლაგება. ანუ ერთი წიგნი შეიძლება მთელ ბიბლიოთეკად გადაიქცეს. ზუსტად ისე, როგორც ბატონი ბორხესი “წინასწარმეტყველებს".

ტექსტი ეკრანისგან განთავისუფლდება. მაგრამ, მანამდე სტანდარტულ ელექტრონულ წიგნებზე ვთქვათ ორიოდე სიტყვა.

შეკითხვაზე, “რომელ წიგნს წაიღებდით უკაცრიელ კუნძულზე?" მაგალითად, უმბერტო ეკო პასუხობს, რომ წაიღებდა სატელეფონო ცნობარს, რადგან მასში ასიათასობით პერსონაჟია. ასევე პასუხობენ, რომ წაიღებენ: ბიბლიას, ვეფხისტყაოსანს, "მარტოობის 100 წელს" და ასე შემდეგ. მაგრამ, რესპოდენტები არასოდეს ასახელებენ 2-3 წიგნზე მეტს. რა თქმა უნდა, 2-3 წიგნზე მეტის ტარება უკვე სერიოზულ ფიზიკურ მონაცემებს მოითხოვს. მაგრამ, ელექტრონული წიგნების გაჩენის შემდეგ, ჩვენ შეგვიძლია თან ვატაროთ მთელი ჩვენი ბიბლიოთეკა, რომელიც ერთ “ფლეშკაზე", ერთ თხელ ელექტრონულ წიგნში ჩაეტევა.

დღეისთვის ელექტრონული წიგნების გაყიდვებმა უკვე გადააჭარბა ჩვეულებივი წიგნების გაყიდვებს. იმ გამომცემლობებს, რომლებიც დროთა განმავლობაში არ აპირებენ

ე-წიგნების გამომცემლობად გარდაიქმნან, გარანტირებულ მყიდველებად მხოლოდ ანტიკვარიატის კოლექციონერები შერჩებათ.

ელექტრონულ წიგნებს რამდენიმე უპირატესობა გააჩნიათ. I - მისი ფასი გაცილებით დაბალია. II - რაც უკვე აღვნიშნეთ, ჩვენ შეგვიძლია თან გვქონდეს ყველა საყვარელი, საჭირო წიგნი, მთელი ბიბლიოთეკა. III - ჩვეულებრივი ბეჭდვითი წიგნებისგან განსხავებით ელექტრონული წიგნები შესაძლოა გაცილებით ინტერაქტიული და “მიმზიდველი" გახდეს. ტრადიციულ ლიტერატურულ ფორმებთან ერთად, თანამედროვე ლიტერატურაში სულ სხვა ტენდენციები იკვეთება, ვგულისხმობ ციფრულ ნარატივს, რომანებს ვიკიპედიის ბაზაზე, კომპიუტერული თამაშების ტექნოლოგიების გამოყენებას და ასე შემდეგ.

მაგრამ, ელექტრონული წიგნის მკითხველები/თანაავტორები ჯერჯერობით მაინც უმცირესობაში არიან. ელექტრონულ წიგნს ჯერ არ უპოვნია და შეუქმნია თავისი მკითხველი. მკითხველი, რომელმაც როლან ბარტის აზრით, ენობრივი რეალობის პედესტალიდან ჩამოაგდო ავტორი, მაგრამ ეკრანული ცივილიზაციის პირობებში მოკვდა და შემდეგ ტექსტის მატარებელ, ახალი ტიპის კომპიუტერულ ეკრანებთან ერთად “გამოცოცხლდა". თუმცა ეს “წიგნის მესამე რევოლუციად" შეფასებული მოვლენა, მხოლოდ ვირტუალურ პერსპეტქივაში მოხდა... მაგრამ ვირტუალური “მეტასტაზები" ჩვენს რეალობაშიც ღრმად არის წასული.

როჟე შარტიე, ფრანგი სოციოლოგი, სტატიაში “მკითხველი გამუდმებულად ცვალებად სამყაროში" წერს, რომ პოსტგუტენბერგულ საზოგადოებაში, ელექტრონულმა წიგნმა უკვე შეცვალა ის კრიტერიუმები, რის მიხედვითაც დისკუსების განსხვავება, კლასიფიცირება, იერარქიის მინიჭება ხდებოდა. ელექტრონული, ციფრული ლიტერატურის, ბმულების პირობებში, როცა ტექსტი პლასტიკური და ღიაა, ტექსტის, ბგერისა და გამოსახულების ურთიერთობა ტრანსფორმირდა და ტექსტის ელექტრონულმა რეპრეზენტაციამ კონტექსტის გაგება რადიკალურად შეცვალა.

თუმცა, შეიძლება ისიც ვთქვათ, რომ მეცნიერებმა კიდევ ერთი ელექტრონული სათამაშო შექმნეს. მაგრამ უნდა გავიხსენოთ, რომ თავიდან ზუსტად ასე იყო აღქმული კინემატოგრაფია, რადიო თუ ტელევიზია. XX საუკუნემ კი გვიჩვენა, რომ ტექნიკური პროგრესი ადამიანური ცხოვრების ყველაზე ინტიმურ სფეროებში იჭრება და მთლიანად ცვლის ჩვენი ცხოვრების წესსა თუ “აზრთწარმოების" პროცესს.

დამწერლობამდე, ლიტერატურა ფოლკლორის, მითების თუ მაგიური რიტუალების ფორმით იყო მოცემული და უმთავარ როლს თამაშობდა. წიგნი - მხოლოდ ერთ-ერთი ფორმაა ლიტერატურის არსებობისა, ასე რომ სრულიად რეალურია თუ მას ელექტრონული წიგნით ჩავანაცვლებთ.

დღეს, არამხოლოდ ტრადიციული ლიტერატურის კრიზისია, არამედ ზოგადად - წაკითხვის. თუნდაც, ტრადიციული რომანის ფორმა - მკვდარია, იმიტომ მკითხველს არ აძლევს თავისუფლებას, აიძულებს რა, თავიდან ბოლომდე წაიკითხოს ნაწარმოები. მაგ. მილორდ პავიჩის რომანები, რომელიც კროსვორდის, ტაროს კარტების საშუალებით იკითხება, სწორედ ის ნოტებია, რომელიც ელექტრონული ინსტრუმენტით შეიძლება შესრულდეს.

ბევრი გამომცემლობა და ავტორი უკვე თანამშრომლობს კომპიუტერული თამაშების მწარმოებელ კომპანიებთან, იყენებს რა მათ ტექნოლოგიებს. ალბათ, ზუსტად ინტერაქტიულ, კომპიუტერულ ლიტერატურას აქვს შანსი “მიიზიდოს" მომავალი თაობა, რომელიც წიგნების ნაცვლად ელექტრონულ ინფორმაციაზე იზრდება. რომლისთვისაც

“E = mc2-ის, ნაცვლად, I = mc2, სადაც I - ინფორმაციაა. ამ ფორმულის თანახმად, მიზანი - გონების აქტივაცია და კომუნიკაციური შესაძლებლობის გამოღვიძებაა." და ესეც რომ არ იყოს, როგორც ნაბოკოვი ამბობდა, “ნებისმიერი მწერლის შედევრი - მისი მკითხველია."

ელექტრონულ წიგნს, უნივერსალურ ბიბლიოთეკაზე აქამდე აუხდენელი ოცნების ახდენა შეუძლია. ყველასთვის ხელმისაწვდომი უსასრულო რაოდენობის გაციფრულებული ტექსტები, ბმულებით სავსე “ალექსანდრიის ბიბლიოთეკა", რომელიც რუკებისა და კომპასის გარეშე კიბერ-სივრცეში მოხეტიალე, ტექსტურ არქიპელაგში დაკარგული მოგზაურებისთვის შუქურადაც გადაიქცევა.

სტატია გამოქვეყნდა გაზეთ "Weekend"–ში.

ავტორი: ალექსი ჩიღვინაძე

კოღო ქალაქში

2011-04-20T01:31:00.000-07:00

"ქვა, რომელიც ეძებს თავის შეყვარებულ ქვას, დიდი ხნის წინათ გაჩერებული საათი, რომელიც "რომელიღაც წარსულს სისხლივით ამოანთხევს", თავისით ფეხადგმული წერტილი, რომელიც არ ემორჩილება არც კალამს არც მწერალს, – გავადევნოთ თვალი უდროოდ დასმული წერტილის მოძრაობა-თავგადასავალს."

ასი უძველესი იაპონური ლექსი

2011-04-18T05:15:00.000-07:00

თარგმანზე მუშაობა დაიწყო 1997 წელს და თითქმის თორმეტ წელიწადს გაგრძელდა. მთარგმნელი ხანგრძლივად ცხოვრობდა იაპონიაში, რამაც საშუალება მისცა, თვითგანმცდელის პოზიციიდან ეთარგმნა იაპონური პოეზია. უცხო რეალობასთან და კულტურასთან უშუალო კონტაქტის პირობებში თარგმანის პროცესი გაცილებით ბუნებრივი და ძალდაუტანებელია. მთარგმნელის განწყობა და თარგმანის სირთულეები დეტალურად არის ჩამოყალიბებული წინათქმაში. თავისთავად, ამგვარი დაკვირვებები მთარგმნელისა მნიშვნელოვანია დაინტერესებული მკითხველისთვის. ძალზე ღირებულია კომენტარები, რომლებიც ერთვის თითოეულ ლექსს და საშულებას იძლევა, კიდევ უფრო მეტად მივუახლოვდეთ ორიგინალურ აზრს. წიგნს კვალიფიციური რეცენზირება გაუწია ტოკიოს უნივერსიტეტის პროფესორმა, ერთ-ერთმა ბრწყინვალე ქართველოლოგმა იასუჰირო კოჯიმამ, რომელმაც წარადგინა კიდევაც იგი იაპონიის კულტურის სამინისტროსა და საქართველოში იაპონიის საელჩოს წინაშე. მკითხველების ინტერესიდან გამომდინარე, გამომცემლობა "სიესტამ" უკვე მესამე ტირაჟით დაბეჭდა თარგმანი. ვფიქრობთ, ეს წიგნი საყურადღებო და იშვიათი მოვლენაა ქართულ კულტურაში.

პატივისცემით,

გამომცემელი
ქეთევან კიღურაძე

ქეთევან კიღურაძე

"მარტოობის ასი წელიწადი" – ახალი გამოცემის შეძენა უკვე შეგიძლიათ წიგნის მაღაზიებში

2011-04-18T05:06:00.000-07:00

გიორგი კეკელიძე "ყორანი"

2011-04-10T11:00:00.001-07:00

შუაში იყო წუთისოფელი

2011-03-22T08:06:00.000-07:00

"დინარა ნავდარაშვილი პოეტურად წერს, მისი პროზა პოეტურია შინაგანი მელოდიკითა და აზრით, მაგრამ რაციონალურია ლექსიკით. მისი წერის მანერა ნამდვილად თანამედროვეა, მოკლე წინადადებებით, აბზაცებით, მონოლოგური თხრობის სიჭარბით, მოკონტაქტე პერსონაჟთა სიმცირით... მაგრამ არის მასში კლასიკური გემოვნებით ნასაზრდოები ესთეტიკაც.…"

"დინარა ნავდარაშვილის ნაწარმოები თავებად კი არა სიზმრებადაა დაყოფილი, ყოველი სიზმარი ცხადის ვარიაციაა, ცხადის ახსნის საშუალებაა. ყოველ სიზმარში ერთი მთლიანი ამბავია მოთხრობილი, მაგრამ არა კონკრეტული სიუჟეტური ფორმით, არამედ სიუჟეტური ამბიდან აღძრული ემოციებისა და შთაბეჭდილებების მეშვეობით. ძალიან საინტერესო ხერხია: ამ ხერხით ჩვენი კონკრეტული ეპოქაც არის აღწერილი, საზოგადოებრივი მოძრაობები და კონფლიქტებიც, და ამ ფონზე განვითარებული პირადი ცხოვრებაც..."

––მანანა ტაბიძე,

ფილოლ. მეცნ. დოქტორი

პროფესორი

კავკასიონი

2011-03-01T02:03:00.000-08:00

დღევანდელი გადმოსახედიდან, ჟურნალი "კავკასიონი", როგორც მთლიანობა, რომელიც მის მესვეურთა და, უწინარეს ყოვლისა, მისი რედაქტორის პავლე ინგოროყვას ინტერესებითა და შრომისმოყვარეობით არის შედუღაბებული, წარმოგვიდგება ჩვენი კულტურის ერთი ეტაპის დამაგვირგვინებელ მოვლენად და, ამავდროულად, ახალი ეტაპის დასაწყისად. ჟურნალის უჩვეულოდ ფართე, ყოვლისმომცველი დიაპაზონი იმ დროისათვის სრულიად ახალი იყო და არც შემდგომ განმეორებულა – "კავკასიონმა", როგორც საზოგადოებრივმა წამოწყებამ, საბჭოთა იდეოლოგიის პირობებში ვერ იხარა. მას შემდეგ აღმოცენებული მხატვრული თუ სამეცნიერო ჟურნალები ოდნავადაც ვერ მიუახლოვდა ამ რეპრესირებულ ეტალონს.

"კავკასიონმა", რომლის ნომრები ათწლეულების განმავლობაში თითქმის არალეგალურად ინახებოდა ქართველი ინტელიგენციის ოჯახებში, ფასდაუდებელი მნიშვნელობა შეიძინა საბჭოთა რეჟიმის პირობებში. მისი ფურცლებიდან ქროდა თავისუფალი სული, სიყალბისა და უიმედობის მძლა-ვრობისას იგი ნამდვილი ფასეულობებით პასუხობდა ახალგაზრდობის სულიერ მოთხოვნებსა და მოლოდინებს.
"კავკასიონის" ხელახალი გამოქვეყნება, ერთი მხრივ, თუ მადლიერების გამოხატულებაა მისი შემქნელებისადმი, და უფრო ფართოდ იმ ეპოქისადმი, რომელსაც, გარკვეული აზრით, "კავკასიონის" წლებად მოვიხსენიებდით, მეორე მხრივ, ეს არის კლასიკური მემკვიდრეობის რეაქტუალიზაციის ერთ-ერთი შესაძლო ვარიანტი.

იდეის ავტორები:
ზურაბ კიკნაძე და ზაზა კვერცხიშვილი

ქართული ლიტერატურა: გრიგოლ რობაქიძე, კოტე მაყაშვილი, ი. გრიშაშვილი, სანდრო შანშიაშვილი, შალვა დადიანი, დავით კლდიაშვილი, ლეო ქიაჩელი, ს. აბაშელი, კონსტანტინე ჭიჭინაძე, ალი არსენიშვილი, სანდრო ცირეკიძე, ვალერიან გაფრინდაშვილი, ნიკო ლორთქიფანიძე, შალვა კარმელი, ვახტანგ კოტეტიშვილი, კონსტანტინე გამსახურდია, ელენე დარიანი, მარიჯანი, საიათნოვა...

უცხოეთის ლიტერატურა: შარლ ბოდლერი, ემილ ვერჰარნი, პოლ კლოდელი, ანატოლ ფრანსი, ჟიულ რომერი, ჟან კოკქტო, ერნსტ დრემი, ვ. ჰაზენკლევერი, ი. გოლლ, კაზიმირ ედშმიდი, გოეთე, ედგარ პო, ომარ ხაიამი, ანგელუს სილეზიუს...

ხელოვნება: კოტე მარჯანიშვილი, ვან–დიკ, დიმ. არაყიშვილი, გიორგი ჩუბინიშვილი...

ფილოსოფია. მეცნიერება: პლატონი, ირაკლი ტატიშვილი, გრიგოლ წერეთელი, ნიკო მარრი, პავლე ინგოროყვა, შალვა ნუცუბიძე, ალ. ჯანელიძე...

მემუარები და დოკუმენტები: იაკობ ნიკოლაძე, ალექსანდრე ყაზბეგი

სამი მანეთი ჩერვ.

სხვისი შვილები

2011-02-27T23:19:00.000-08:00

2008 წელს დავით გაბუნიას პიესამ "ჩემი საქორწინო კაბა" გაიმარჯვა ფესტივალზე ARDIfest (სამეფო უბნის თეატრი). 2010 წელს გაიარა სტაჟირება ლონდონის ნაციონალურ თეატრში. მისი პიესები დადგმულია სამეფო უბნისა და შოთა რუსთაველის თეატრებში.

დრო - I (ირაკლი ჩარკვიანი)

2011-02-24T05:54:00.000-08:00

დრო - I

რეაქტიული მარტოობა,
დაძაბული,
გამოუთქმელი შიში შეხების
საგნებთან,
საყვარელთან –
გაქრა.
რომანტიკული ბილიკის
რითმის ბოლოა…
შელამაზების,
ვაზისყურება ქალიშვილების
ირმისთვალური სევდა –
გაქრა.
სოც-რომანტიზმის
ცისფერთვალება ლმობიერება –
გაქრა.
ვარდს გაეფურჩქნა ატომური სოკო.
რკინა-ბეტონის ჯუნგლებში
დაკაცდა მაუგლი,
პარაბელუმით ხელში.
დადგა დრო
გამოთხოვებისა ტყესთან,
დრო უბრალო,
მართალ ფერთა ხელჩაკიდების,
დრო წითლად ხატვის
წითელ ქაღალდზე.
მაშინებელი,
დაუნდობელი,
როგორც ყოველი მართალი...
დრო.

ირაკლი ჩარკვიანი

ქაღალდის გემი

2011-02-22T04:56:00.000-08:00

თეთრი კედლები, კომპიუტერების მონოტონური ბზუილი, დაცარიელებული მზერები, ფანჯარაში ჩამოსვეტილ მზის ნათელში არეული მტვრის ნაწილაკები. მოწყენილობისგან თვით "Facebook"-იც ვერ გშველით? ამობეჭდეთ ჩვენი ორიგამი და გააკეთეთ ქაღალდის გემი. დააწერეთ ჰაიკუ, თქვენი საყვარელი პერსონაჟის ციტატა, სურვილი, გამოცანა. აჩუქეთ გემი თქვენს მეგობრებს, უცნობ ადამიანებს. დატოვეთ კაფეებში, უნივერსიტეტში, სკოლაში, ბანკში, ავტობუსის გაჩერებაზე. ამოგზაურეთ თქვენი პოეზია "სიესტას" ქაღალდის გემთან ერთად.

ჩართული სიტყვა

2011-02-11T01:53:00.000-08:00

ძალიან მალე!

ლელა სამნიაშვილის "ფრაქტალები"

2011-01-04T07:31:00.000-08:00

02.01.2011

ავტორი მალხაზ ხარბედია

"ფრაქტალები" ლელა სამნიაშვილის რიგით მეოთხე კრებულია. 4-წლიანი პაუზის შემდეგ ბევრისთვის კარგად ნაცნობმა და საყვარელმა პოეტმა კიდევ ერთხელ მოუყარა თავი ახალ ლექსებს. ზოგის აზრით, ლელა შეიცვალა ამ ბოლო კრებულში, თუმცა არის რაღაცები, რაც მუდმივად რჩება ლელაში - პირველ რიგში, ეს არის ინტონაცია, შემდეგ - ლექსის ვიზუალური მხარე და, რა თქმა უნდა, მუდმივი თემები. ამაზე ღირს უფრო ჩაღრმავებით ვილაპარაკოთ სხვა დროს, მანამდე კი მინდა გავიხსენო ლელას 12 წლის წინანდელი ერთი პატარა ლექსი, რომელმაც მის ბოლო კრებულში ახალი სიცოცხლე შეიძინა.

მაშინ ლელა ასე წერდა:

ვიდრე თვალები შეაშრება

მწვანე აკვარელს, -

თვლიდეს ადამი

დღისით - ვაშლებს,

ღამით - ვარსკვლავებს...

და უცაბედად მოგინდება

სურვილით, მწველით -

ედემში იყოს ორი პოეტი -

ევა და გველი.

გადავშლით მის ბოლო კრებულს და ვკითხულობთ პირველივე ლექსის სათაურს - "გაფრენა. ლილიტი", სადაც გაცილებით უფრო რთულადაა დამუშავებული ეს 12 წლის წინანდელი თემა. ასეთი დიქრონული ვარიანტები და თემატური გამეორებები სხვაც ბევრია კრებულში და ზოგმა შეიძლება ამასაც დაუკავშიროს წიგნის სახელწოდება - "ფრაქტალები". ყოველ შემთხვევაში, თავად ლელა სამნიაშვილი ასე განმარტავს სათაურს:

ლელა სამნიაშვილი

"ფრაქტალები არ არის მაინცდამაინც ჰუმანიტარული ტერმინი. ქაოსი სიმეტრიიდან... იგი უფრო გეომეტრიული ტერმინია და არის ისეთი ფიგურა, რომელიც თავის თავს იმეორებს სხვა მასშტაბით - უფრო მცირე ან უფრო ფართო მასშტაბით. გააჩნია საიდან ვიწყებთ ათვლის წერტილს და მიმართულებას. მე საერთოდ მაინტერესებს ფიზიკა, მათემატიკა და ფრაქტალების ცნებაც აქედან მოვიდა. მე მგონი, ზოგადად ფარდობითია ყველაფერი და ამ ცნების გადატანა შესაძლებელია პოეზიაშიც, იმიტომ რომ სიტყვები, იდეები ისევე იმეორებენ ერთმანეთს და მოიცავენ ერთმანეთს, როგორც ეს გეომეტრიული ფიგურები".

კრებულში ბოლო რამდენიმე წლის ლექსებმა მოიყარა თავი:

"აქ არის შესული ბოლო სამი წლის პერიოდში დაწერილი ლექსები და ბევრი არც მირჩევია. ძირითადად, თითქმის ყველა ლექსი შევიდა, რაც ბოლო წლებში დავწერე. ეს ლექსები, ძირითადად, ლიტერატურულ პერიოდიკაში დაიბეჭდა, "ლიტერატურა - ცხელ შოკოლადში", "ჩვენს მწერლობაში", ლექსები ქვეყნდებოდა ლიტერატურულ საიტებზეც და ბოლოს ყველა ამ ლექსმა ერთ კრებულში მოიყარა თავი".

მანამდე კი თანამედროვე ქართული და უცხოური პოეზიის მკითხველს, ლელას წიგნების გარდა, მის თარგმანებსაც შევახსენებ. პირველ რიგში, სილვია პლათის ლექსებს, რომელიც წიგნადაც გამოვიდა და სულ ახლახან გამოცემულ პლათის რომანსაც, "ზარხუფი", რომელმაც, სამწუხაროდ, ცუდად მიაღწია მკითხველამდე. მახსოვს ლელას სულ პირველი პუბლიკაცია ჩვენთან, "არილში". ეს იყო ინგლისურენოვანი პოეტების მცირე ანთოლოგია, 1997 წლის იანვარში დაბეჭდილი, ემილი დიკინსონი, თომას ჰარდი და სხვები:

"ზოგადად, მგონია, რომ ყველა მავნე ჩვევა მოდის ბავშვობიდან, ისევე როგორც კარგი ჩვევები. და პოეზიაც ჩემთვის ერთ-ერთი ასეთი მავნე ჩვევაა, შეიძლება ითქვას, იმიტომ რომ ბავშვობაშივე დავიწყე თხზვა, ჯერ ზეპირად, მერე წერილობით და მივეჩვიე წერას, გაჰყვა სკოლის პერიოდს, ხოლო სტუდენტობის პერიოდიდან უკვე "არილში" ვბეჭდავდი ჩემს ლექსებს. თან ჩემი ფაკულტეტი ინგლისური ენისა და ლიტერატურის ფაკულტეტი იყო და, ამასთანავე, ვთარგმნიდი ამერიკულ და ბრიტანულ პოეზიას, ასევე პროზას. ჩემი პირველი კრებული 2000 წელს გამოქვეყნდა. გამომცემლობა "მერანმა" დაბეჭდა. კრებულს "ფოტოაბები" ერქვა, შემდეგ ამას მოჰყვა "კავკასიური სახლის" მიერ გამოშვებული "გველის წელიწადი" და "სიესტამ" გამოსცა 2006-ში "მუდმივი ტატუ" და ეს არის ჩემი მეოთხე კრებული".

ამ ოთხივე კრებულის მანძილზე, რომელიც ლექსის თხზვის 10-ზე მეტ წელს მოიცავს, ლელა, შეიძლება ითქვას, ერთხელაც არ გადასცდენია თავის ძირითად გეზს, მას არასდროს გადაუხვევია არჩეული გზისთვის, პოეტური ქარაფშუტობა, ანუ მოდუნება, მას არ სჩვევია. იგი ყოველთვის ზუსტია, მკაცრი და მოქნილი. მისი თანამედროვე პოეტები, თითქმის ყველა თაობის, სწორედ ამ სიზუსტეს მიიჩნევენ მის მთავარ თვისებად. ერთის აზრით, ლელასთან მხოლოდ ზუსტი და მართალი მეტაფორები გვხვდება, იგი "არ იპრანჭება", მასთან ვერ იპოვი თითიდან გამოწოვილ სახეებს და ფრაზებს. მისი ხმა არასდროს აგერევა სხვებისაში, ლელას შეუძლია იყოს ძალიან ბასრიც და ძალიან ფაქიზიც. ზოგისთვის მთავარი ღირსება ისაა, რომ ლელას ლექსებში ხშირად აქვს პოზიცია, მკვეთრად გამოხატული პოზიცია. სხვებს ლელას ლექსები გარეგნულადაც მოსწონს, იტაცებს მისი ხაზოვანება, შეიძლება ითქვას, გეომეტრიულობა, ტირეების პატარ-პატარა ხიდები (გავიხსენოთ თუნდაც ცვეტაევა). ზოგისთვის ლელა ზედმეტად ცივია, სხვებისთვის კი ეს ღირსებაა. იგი არ შიშვლდება სხვა პოეტებივით, მისი სახეები ახალია, არ გვხვდება კლიშეები და კლიშესაც მხოლოდ იმიტომ მიმართავს, რომ მისი დეკონსტრუქცია მოახდინოს. როგორც ერთმა მისმა კოლეგამ მომწერა ამას წინათ, "ლელას შენელებული მოქმედების ბომბი აქვს ზოგ ლექსში. მშვიდად და დამაჯერებლად გიწყობს ამბოხს".

დაახლოებით ასეთია პოეტი ლელა სამნიაშვილი, ხშირად ძალიან ჰერმეტულიც, ძნელად გასაგები. როგორც ზემოთაც ვთქვით, იგი ზუსტია, მაგრამ ეს სიზუსტე სიცხადეს არ ემსახურება, არამედ სრულყოფილებას, უფრო სწორად, ამისკენ სწრაფვას.

სხვა საქმეა ლელას ლექსის ფორმალური მხარე, ბგერები, მუსიკალობა, რითმა. იგი ხშირად ძალიან რთულ გზას ირჩევს, ბეწვის ხიდზე გადის, რათა რიტმულ და რითმულ ბანალობებს თავი დააღწიოს. მაგალითად, მას ასეთი ლექსი აქვს, "მთვარეული":

მთვარე თმის სარჭია -

მაღლა წევს ღამის ცას -

ჩინური ქაღალდის ფარანი,

და რომც მოვაცილოთ

ცას დეკორაცია,

არ მოისაკლისებს არავინ.

ეს ლექსი ქართული პოეზიისთვის ძალზე იშვიათი ორი საზომის შეხამებითაა დაწერილი, ექვსმარცვლიანით და ცხრამარცვლიანით. ეს საზომები ვიცით გურამიშვილიდან მოყოლებული. ექვსმარცვლიანის ყველაზე ცნობილ ნიმუშს გალაკტიონის "ქებათა ქება ნიკორწმინდას" წარმოადგენს, ცხრამარცვლიანი კი კარგა ხანს უქმად იყო, მხოლოდ მთიბლურში გვხვდებოდა და ერთი ორგან გალაკტიონთან, სანამ ლელამ არ მოარგო ექვსმარცვლიანს.

ლელას კიდევ ერთი თვისებაა ის, რომ იგი კარგი მკითხველია და არც თავისი თანამედროვეებისთვის იშურებს სიტყვებს:

"საბედნიეროდ, მგონი, დღეს უკვე ისეთი მომენტი დადგა ქართულ პოეზიაში, რომ გამიჯვნა ქალ ავტორებსა და მამაკაცებს შორის და სიხარული იმის გამო, რომ გამოჩნდა ასეთი საინტერესო ქალი-ავტორი, უკვე უადგილოა. ძალიან ბევრი კარგი ქალი ავტორია და ძალიან ბევრის დასახელება შეიძლება, წინა თაობით დაწყებული, სადაც ელა გოჩიაშვილია, რა თქმა უნდა; კიდევ უფრო ადრე ძალიან საინტერესო იყო ლია სტურუას შემოქმედება, დალილა ბედიანიძე, მოგვიანებით რუსუდან კაიშაური, მაია სარიშვილი, თეონა ბექიშვილი წერდა, თუმცა კარგა ხანია მისი აღარაფერი წამიკითხავს, ეკა ქევანიშვილი ჩემთვის ძალიან საინტერესო ავტორია... ბევრია, ძნელია ჩამოსათვლელადაც. ბოლო დროს კიდევ დიანა ანფიმიადი გამოჩნდა, რომელიც ასევე ძალიან საინტერესოა ყველა თვალსაზრისით. თუმცა, ამის მიუხედავად, მე მაინც ვერ ვიტყოდი, რომ რამე განსაკუთრებული აქცენტია გასაკეთებელი ან ადგილია მისაჩენი ქალი პოეტებისთვის, საბედნიეროდ".

სხვათა შორის, თავად ლელასაც არ აკლია ყურადღებიანი მკითხველი და შემთხვევითი არაა, რომ ყველაზე კარგად ლელას ლექსები სწორედ პოეტებს ესმით.
© რადიო თავისუფლება

ტიმო პარველა "კარუსელი"

2010-12-22T05:41:00.000-08:00

ტიმო პარველა

”კარუსელი”

სიესტა 2010
მხატვარი ვირპი ტალტივიე

ფინურიდან თარგმნა დიმიტრი გოგოლაშვილმა

რედაქტორი ირმა მალაციძე

წიგნი გამოცემულია FILI – Finnish Literature Exchange ფინანსური მხარდაჭერით

ფასი 5 ლარი

"გვრიტმა ქოთანამ იცის, რომ პატარებმა დიდებს დრო არ უნდა დააკარგვინონ. ხოლო როცა ქოთანა გრძელფეხება იღბალას გაიცნობს, მიხვდება, რომ მეგობართან გატარებული დრო სულ სხვაა. დაბადების დღეზე ქოთანა იღბალასგან საჩუქრად ციდან ჩამოცვენილ ვარსკვლავებს და მთელი მსოფლიოს დროს მიიღებს".

წიგნის ავტორმა ტიმო პარველამ და ილუსტრატორმა ვირპი ტალვიტიემ – საბავშვო ლიტერატურის ჯილდოს – Finlandia Junior 2008 - გამარჯვებულებმა, მნიშვნელოვანი თემა წამოსწიეს: ბავშვს მშობლებთან და მეგობრებთან ურთიერთობა სჭირდება. შთამბეჭდავად ილუსტრირებული კარუსელი” გულახდილი საუბრისთვის განგვაწყობს და დროსაც ბავშვის საზომით გვაზომინებს.

დარეჯან სუმბაძე Darejan Sumbadze

2010-12-22T05:16:00.000-08:00

მეტალის პეპელა. ჩრდილი

+CD

სიესტა 2010

ფასი 10 ლარი

მე კარგება და.
შენ: პოულობ ჩაბნეულ სიტყვებს.
ჩრდილი: ცი- ცი- ნათელებს და
ღამე: ვარ სკვლავებს.

**თუ ძნელია. და შენ სხვა გინდა უფრო მეტი. თუ ნდობას ეძებ. კარგავ. დაეძებ ერთ მანეთში. ნდობას. და ნდობას. და შენ სხვა გინდა(?) შენი ესმოდეთ. აი მე ვთქვი: შემომეფანტა ამ სიტყვებს შორის ნდობა-მეთქი. და როცა ვთქვი მგონი. სადღაც წავაწყდი და შემო მე ფანტა. კარგად მახსოვს. ერთხელ მითხარი. ჩემო გოგონი. კარგად. უნდა შეისწავლო კანონები. ცოტა ხანსაც იცხოვრო მათით. რომ ოდეს მე. დარღვევა შეძლო. იდაყვის ირგვლივ შემოცვეთილი ძველი სვიტერის. რომელმაც თავი მოგაბეზრა და შეგაყვარა. ეს სულერთია (თ)ითქმის: სულ ერთი. რომ ოდესმე აბურდო და გამო არჩიო ტყუილ-მართალი. ხელახლა მოქსოვ. გადაწყვიტე. თუკი ოდესმე. და ისიც: თუკი კანონები თითქმის არასდროს გენდობოდნენ. უცაბედად ყველა ცვდებოდა იდაყვთან. ხანაც მუხლისთავთან. შესაბამისად. სა ბედის წეროდ. უ ცა ბედად. ყველა ცდებოდა. არადა მე ხო ნდობას ვეძებდი.

მერე წერდი და წერდი. ვინმეს. მთავარი იყო (ბედის)წერა. თორემ იმერთს სულმუდამსწერდი. მომავლისკენ ბრმადგაშვებულ როგორც მესიჯს; ბალახისძახილს: დამინახე; წყალწაღებულის ხავსსმოჭიდებას. ამბავს: ვიყავი აქ და ამ დროს. შენთვის ვიყავი(!) გესმის(?) არადა ნდობას ეძებდი. ეს რაძნელია. ეს. რა. ძნელია?

(წიგნიდან “მეტალის პეპელა. ჩრდილი”)

სიესტას ფოსტალიონი – საახალწლო ფასები!

2010-12-22T02:11:00.001-08:00

სიესტას ფოსტალიონი გთავაზობთ წიგნებს ადგილზე მიტანით!

აირჩიეთ სასურველი ლიტერატურა და ჩვენ მოგაწვდით სახლში ან ოფისში.
მოგვწერეთ შეკვეთა books@siestagroup.ge
მომსახურება უფასოა, იხდით მხოლოდ წიგნის საფასურს.

საბავშვო შემეცნებით–გასართობი ჟურნალი "ჭიამაია"

2010-12-22T01:48:00.000-08:00

სიესტას საახალწლო შეთავაზება

2010-12-20T03:14:00.000-08:00

პაატა ქურდაძე Paata Qurdadze ფსიქოდელიური ქრონიკა

2010-12-18T06:43:00.000-08:00

პაატა ქურდაძე

"ფსიქოდელიური ქრონიკა"

ფასი 15 ლარი

პაატა ქურდაძე Paata Qurdadze

2010-12-18T06:41:00.000-08:00

დავით აბრამიშვილის ფოტოები

2010-11-26T06:06:00.000-08:00

გიორგი კეკელიძე

Press Release From The Norwegian Publishers Assosiacion

2010-11-26T03:24:00.000-08:00

ფოტოკონკურსი – "რასაც პატარები გერიელად მიირთმევენ"

2010-11-18T05:36:00.000-08:00

გთხოვთ, კონკურსში მონაწილეობის მსურველებმა ფოტოები გამოგვიგზავნოთ შემდეგ მისამართზე: gvanca@siestagroup.ge 2011 წლის 15 აპრლამდე.

პრეზენტაცია

2010-11-16T05:35:00.000-08:00

17 ნოემბერს, 19:00 საათზე

წიგნის სახლში გიწვევთ

ლელა სამნიაშვილის

ახალი პოეტური კრებულის

"ფრაქტალები" პრეზენტაციაზე.

მის. გამსახურდიას 31

ანდრაშ პეტეცი – "დაბაბდების დღე" Petőcz András – A születesnap

2010-11-15T23:45:00.000-08:00

2010

უნგრულიდან თარგმნა დალილა ბედიანიძემ

ანდრაშ პეტეცის რომანი „დაბადების დღე“ შეეხება ერთი ბუდაპეშტური ოჯახის – ზიეგლერების ოჯახის ისტორიას. ეს რომანი პეტეცის პირველი რომანია. მის დაწერამდე ამ ავტორს გამოქვეყნებული აქვს რამდენიმე წარმატებული პოეტური კრებული და უნდა აღინიშნოს, რომ მისი პირველი ნაბიჯი პროზაში ისეთივე წარმატებული გამოდგა, როგორც პოეზიაში.

რომანი შედგება რამდენიმე ნოველისგან, სადაც აღწერილია ზიეგლერების ოჯახის ცხოვრება ბუდაპეშტში და ბალატონისპირა სააგარაკო სოფელ სეპეზდში. რომანში აღწერილია ბავშვის თვალით დანახული სამყარო და გატარებულია თაყვანისცემა მამის კულტის მიმართ. აღნიშნულია ის სულიერ კავშირი, რომელიც აერთიანებს მამას და მოზარდ ბიჭუნას. რომანის პერსონაჟები არიან დედა, მამა და მათი შვილები, და–ძმა ტონი და ირმა, ასევე რიგითი ადამიანები, როგორც ბუდაპეშტელები, ასევე სეპეზდელები. მსუბუქი იუმორით მკვეთრი შტრიხებით ახასიათებს ავტორი თავის თვითეულ პერსონაჟს.

და ბოლოს, აღსანიშნავია, რომ ანდრაშ პეტეცის რომანის ენა არის მარტივი, ყოველდღიური სალაპარაკო ენა. რომანში ჭარბობს ყოფითი სახის დიალოგები. არ გვხვდება აბსტრაქტული პასაჟები, განყენებული მსჯელობა და მთლიანობაში რომანი „დაბადების დღე“ აღიქმება როგორც ლირიკული პროზის ნიმუში.

ანდრაშ პეტეცი Petőcz András

2010-11-15T23:43:00.000-08:00

ანდრაშ პეტეცი

ანდრაშ პეტეცი არის უნგრელი პოეტი, მთარგმნელი და პროზაიკოსი. დაიბადა 1959 წელს ბუდაპეშტში. დაამთავრა ბუდაპეშტის ლორანდ ეტვიოშის სახელობის სახელმწიფო უნივერსიტეტის ფილოლოგიის ფაკულტეტი. მისი ავანგარდისტული ძიებები წარმატებით დაგვირგვინდა და იგი ლაურატია ლაიოშ კაშაკის სახელობის პრემიისა, რომელიც მიიღო სიახლის ძიებისათვის, ვერსიფიკაციული ძიებებისათვის. გამოცემული აქვს რამოდენიმე წიგნი, რომელთა შორისაც გამოირჩევა პოეტური კრებული "ბგერები უხმოდ". რომანი "დაბადების დღე" მისი პირველი რომანია.

http://www.petoczandras.eu/index.html

ლელა სამნიაშვილი Lela Samniashvili

2010-11-03T13:50:00.000-07:00

ლელა სამნიაშვილი

ფრაქტალები

პოეზია

სიესტა 2010

ISBN 978-9941-414-40-4

ფასი 8 ლარი

აქ ყველაფერი ისეთივეა, როგორც სინამდვილეში. ფოტოაპარატი ამას მარტივად ახერხებს. მთავარია დაინახო, გადაღება უკვე - ტექნიკის საქმეა. სიტყვებით იგივეს გაკეთება უფრო რთულია. ფოკუსში როგორ უნდა მოაქციო გვიმრის ფოთოლი, რომელიც უამრავი პატარა ფოთლისაგან შედგება და თითოეული მისი ნაწილია (ფრაქტალები ერთმანეთს იმეორებენ). ლექსებიც ფრაქტალებია, ოღონდ ისინი ერთ ავტორს კი არა, თითოეულ მკითხველს იმეორებენ.

თუ მათში საკუთარი თავი დაინახე, ეს წიგნი შენიცაა.

ლელა სამნიაშვილი Lela Samniashvili

2010-11-03T12:41:00.000-07:00

ლელა სამნიაშვილი

" ყველა დათვს - თაფლი!"

დაიბადა 1977წ. 17 მარტს, ქ. გორში.

უმაღლესი განათლება: თბილისის ი. ჭავჭავაძის სახელობის ენისა და კულტურის სახელმწიფო უნივერსიტეტი, ინგლისური ენის ფაკულტეტი (1994-1999) და სინქრონული თარგმნის განყოფილება (1999-2001); ოსლოს უნივერსიტეტი, განათლების ფაკულტეტი (უმაღლესი განათლების ფილოსოფიის მაგისტრი)(2005-2007); კვლევა – ამერიკულ ლიტერატურაში. კალიფორნიის უნივერსიტეტი ბერკლიში – (2001-2003)

მუშაობის გამოცდილება: 1999 წლიდან – დღემდე: სხვადასხვა საგანმანათლებლო პროექტებში მონაწილეობა და უნივერსიტეტებში სწავლება .

გამოცემები:

"ფოტო-აბები" (ლექსები), 2000, "მერანი", თბ. (ნომინირებული "წინანდლის პრემიაზე"),

"გველის წელიწადი" (ლექსები), 2004, "კავკასიური სახლი", თბ. (ნომინირებული "საბას პრემიაზე"),

"მუდმივი ტატუ "(ლექსები), 2006, "სიესტა", თბ. (ნომინირებული "საბას პრემიაზე"),

" სილვია პლათის ლექსები ქართულად", 1999, "მერანი", თბ.

"საკუთარი ოთახი" - ვირჯინია ვულფის ესე ქართულად - 2007, ფონდი "ტასო", თბ.

"ზარხუფი" - სილვია პლათის ავტობიოგრაფიული რომანი ქართულად - 2009, ფონდი "ტასო", თბ.

ლექსები თარგმნილია: ინგლისურ, ნიდერლანდურ, რუსულ და აზერბაიჯანულ ენებზე.

"არილში", "ალტერნატივაში", "ლიტერატურაში", "ჩვენს მწერლობაში" და სხვა ქართულ ლიტერატურულ გამოცემებში 1996 წლიდან სისტემატიურად ქვეყნდება პოეტური პუბლიკაციები, ლიტერატურული წერილები და თარგმანები (ემილი დიკინსონი; თომას ჰარდი; სილვია პლათი; ტედ ჰიუზი; სალმან რუშდი; ჯონ აპდაიკი; იზაბელ ალენდე და სხვ.)

დავით დეფი გოგიბედაშვილი "ბაღები"

2010-11-03T06:39:00.000-07:00

დავით დეფი გოგიბედაშვილი

"ბაღები"

რომანი

სიესტა 2010

ISBN 978-9941-414-28-2

ფასი 15 ლარი

"... ყოველთვის დგება ისეთი დღე, როგორიც დღევანდელია..."

ესაა რომანი მანიფესტი. დრამა. წიგნი განცდებითა და იდუმალებით.

უცნაური ნათება მოზარდი ბიჭების თვალწინ. ქალწულის პირველი და საბედისწერო სიყვარული და ბოშების მიერ გამხელილი დიდი საიდუმლო.

რომანში ყველაფერი განსაკუთრებულია. სიმშვიდისა და ბედნიერების ყოველწამიერი შეგრძნება. ომის დოკუმენტური სიზუსტით გააზრება. ომისა, რომელიც ჯერ არ დამთავრებულა, რომელიც სულ მიმდინარეობს და 2008 წლის 8 აგვისტოს ის ბაღებში შემოდის. ყოველი ჩვენგანის სამყაროში.

ზურაბ ქარუმიძე – ბიოგრაფია

2010-11-03T06:08:00.000-07:00

მწერალი, კულტუროლოგი. დაიბადა 1957 წელს, თბილისში. დაამთავრა თსუ დასავლეთ ევროპის ენებისა და ლიტერატურის ფაკულტეტი, ინგლისური ლიტერატურის სპეციალობით. 1984 წელს დაიცვა დისერტაცია თემაზე “მახვილგონიერების ფენომენი ჯონ დონის პოეზიაში.” პირველი მოთხრობა 1990 წელს გამოაქვეყნა გაზეთში ლიტერატურა და სხვა. 1995 წელს ლიტერატურულ ალმანახში «ახალი დროება» დაიბეჭდა მისი პროზაული პოემა «გიჟი მექუდე». 1998 წელს გამოვიდა მოთხრობათა კრებული Oპერა; 2000 წელს რომანი «ღვინომუქი ზღვა»; 2003 წელს რომანი «თხა და გიგო». გამოქვეყნებული აქვს ნარკვევები ფილოსოფიურ და კულტუროლოგიურ საკითხებზე. იყო ახალი დროების და ინგლისურენოვანი ჟურნალების Georgia/Caucasus Profile-is და Caucasus Context-is Tanaredaqtori თანარედაქტორი. ამჟამად თანამშრომლობს ვაშინგტონის უნივერსიტეტთან სენტ-ლუისში (აშშ) და რადიოსთან “სინდიკატი 104.3.”

2010 წელი – პრემია «საბას» ლაურეატი, წლის საუკეთესო კრიტიკა, ესეისტიკა და დოკუმენტური პროზა - «ჯაზის ცხოვრება» (გამომცემლობა « სიესტა »).

დალილა ბედიანიძე Dalila Bedianidze

2010-11-01T12:02:00.000-07:00

“ქალი ვიყავ და ვიქეცი ლექსად”

მეცნიერი, მთარგმნელი, პოეტი.

ფილოლოგიურ მეცნიერებათა დოქტორი, პროფესორი.

გამოცემული აქვს ლექსების რვა წიგნი, გამოქვეყნებული აქვს თარგმანები ძველი ბერძნულიდან, ინგლისურიდან, უნგრულიდან. ასევე გამოქვეყნებული აქვს ორმოცდაათამდე სამეცნიერო ნაშრომი.

წიგნები:

“კეთილი მოგზაურობა” 1979

“ალო” 1984

“წვეთები და ნამცეცები” 1985

“გამარჯობათ” 1988

“ჰაი” 1995

“ნეტავ” 2003

“ცათა მხილველი” 2006

“ფიქრდიდობა” 2008

"სიესტა" ფრანკფურტის წიგნის ფესტივალზე. 2010

2010-10-20T13:22:00.000-07:00

დათო ქებაძე "ყველა ქალი ჩემია"

2010-10-20T13:00:00.000-07:00

ნიკა კედია ერთი ჩვეულებრივი თბილისელი მექალთანე ბიჭია, რომელშიც შეიძლება, ბევრმა საკუთარი თავი ან მეგობარიც ამოიცნოს. “ყველა ქალი ჩემია” მის ისტორიას მოგვითხრობს. ეს არის წიგნი ქართველი დონ ჟუანის შესახებ _ თითქოსდა არაფრით გამორჩეული ისტორია, გზა ბავშვური გატაცებებიდან ნამდვილ სიყვარულამდე. მიუხედავად ერთი შეხედვით ჩვეულებრივი სიუჟეტისა, რომანი თხრობის სტილითა და პერსონაჟებით სხვა თქვენთვის ნაცნობი წიგნებისაგან ბევრად განსხვავდება, ამიტომ რბილად მოკალათდით, იკითხეთ, იცინეთ და დატკბით ნიკას ცხოვრების ყველაზე საინტერესო ისტორიებით.

ლეგენდა– ბობ მარლი. თამო ხოსიტაშვილი

2010-09-29T18:10:00.000-07:00

ლეგენდა - ბობ მარლი

თამო ხოსიტაშვილი

სიესტა 2010

რედაქტორი: ელზა ახვლედიანი

ყდის დიზაინი / მხატვარი: მაია მაჩალაძე

ფასი 10 ლარი

____________________________________

"ლიტერატურის ისტორიაში არაერთი ტექსტია, რომლის შექმნის მიზეზიც მუსიკა ყოფილა, ანუ მუსიკა წიგნად ქცეულა და პირიქით, წიგნი - მუსიკად. ქართული ლიტერატურის სინამდვილეში თითქმის არ იწერება ასეთი წიგნები, არადა ნამდვილად საინტერესო იქნებოდა ქართველი ავტორების მიერ დაწერილი წიგნები: ჯენის ჯოპლინზე, ბობ დილანზე, ჯონ ლენონზე და ა. შ. თქვენს წინაშე დღეს ბობ მარლის ცხოვრება და მუსიკაა, რომელიც ტექსტად, წიგნად იქცა სრულიად ახალგაზრდა თამო ხოსიტაშვილის ხელში. ამისთვის ის დამსახურებულ და ღია მადლობას იმსახურებს მკითხველისგან.

თამოს თაობაში ეს პირველი შემთხვევა და ცდაა, როცა მუსიკა არა მხოლოდ პრიმიტიული მომხმარებლობის, არამედ ინტელეკტუალური პროდუცირების საგანი ხდება.

რატი ამაღლობელი, 2010

"როდესაც ცდილობ შენი საყვარელი ადამიანი სხვასაც შეაყვარო და ამისთვის წიგნსაც კი წერ - ეს სიკეთეა. სიკეთე კი ისეთი პოზიციაა რომლის გამოვლინებაც ყველას არ შეუძლია...

მეც იმ მრავალთაგან ერთ-ერთი გახლავართ, რომელმაც ბობ მარლის ბიოგრაფია თამო ხოსიტაშვილის მეშვეობით გავიცანი...ამისათვის დიდი მადლობა შენ თამო."

ნიკა წულუკიძე, 2010

თამო ხოსიტაშვილი Tamo Khositashvili

2010-09-29T07:21:00.000-07:00

თამო ხოსიტაშვილი

დაიბადა 1987წ, 1 ივნისს თბილისში. დაამთავრა მე-6 საშუალო სკოლა. 2002-2003 სწავლობდა ჰეგაუს გიმნაზიაში, გერმანიის ქალქ ზინგენში. შემდეგ სწავლობდა თბილისის ტექნიკურ უნივერსიტეტში გერმანულენოვან ეკონომიკისა და სამართლის ფაკულტეტზე.

თამო არის ცხოველთა უფლებების აქტიური დამცველი. უყვარს სპორტი, კერძოდ ტენისი, თხილამურებზე სრიალი და მთაში სიარული.ბავშვობიდან იტაცებდა მუსიკალური მიმდინარეობდა რეგგაე და ამიტომაც დაწერა წიგნი ”ლეგენდა ბობ მარლი”.

"Threatened Words" in Stockholm

2010-09-21T06:22:00.000-07:00

Georgian poet and performance artist Zurab Rtveliashvili meets writer Carola Hansson to discuss the theme of exile, at Kulturhuset in Stockholm, 24th February at 7 pm. Exile is a reality lived by Rtveliashvili, while Hansson treats the theme in her latest novel "Med et namn som mitt" ("With a name like mine").
"Threatened words" ("Hotade Ord") is a series of literary encounters at Kulturhuset, introducing ICORN Guest Writers living in Sweden.

24. February, 2010
(Photo: Cato Lein)

http://www.shahrazadeu.org/

ბასა ჯანიკაშვილი Basa Janikashvili

2010-09-17T06:12:00.000-07:00

basa janikaSvili daibada 1974 wlis 24 maiss TbilisSi. daamTavra SoTa rusTavelis saxelobis Teatrisa da kinos saxelmwifo instituti, dramaturgis xelovnebis fakulteti. 1996 wlidan misi leqsebi, moTxrobebi da piesebi ibeWdeba literaturul Jurnal-gazeTebSi. 1998 wels gamoica piesebisa da moTxrobebis krebuli “koRo”. 1999 wels saqarTvelos pirveli arxi dgams radio piesas “kakabaZeebSi”. 2001 wels kote marjaniSvilis saxelobis saxelmwifo akademiur TeatrSi idgmeba piesa “TiTiT saCvenebeli”. 2002 wels SotlandiaSi, edinburgis traversis TeatrSi Sedga “TiTiT sacvenebelis” literaturuli kiTxva. amave wels sardafis TeatrSi dgamen frangi dramaturgebis Jan-Jak brikerisa da moris lasegis “instinqts”, romlis Targmani ekuTvnis basa janikaSvils. 2003 wlis gazafxulze saqarTvelos radios pirveli arxi dgams radio piesas “TiTiT sacvenebeli”. 2003 wlis maisSi ruseTSi, Teatr DOC-Si da sankt peterburgSi, festival “baltiuri saxlis” farglebSi Sedga piesa “mezoblebis” literaturuli kiTxvebi. amave wlis seqtemberSi moskovis samxatvro akademiur TeatrSi, festivalze “axali drama”, piesa “mezoblebi” wardgenili iyo saerTaSoriso programaSi. 2003 wels Tavisufal TeatrSi daidga piesa “mezoblebi”

ზურაბ ქარუმიძე "ჯაზის ცხოვრება" Zurab Karumidze The life of Jazz

2010-09-06T15:19:00.000-07:00

ზურაბ ქარუმიძე

"ჯაზის ცხოვრება"

ლიტერატურული პრემია "საბა" 2010

წლის საუკეთესო კრიტიკა, ესსეისტიკა და დოკუმენტური პროზა

რედაქტორი: გია ჭუმბურიძე

ყდის დიზაინი: მაია მაჩალაძე

ეს წიგნი ჯაზის ისტორიას მოგითხრობთ - წარმოშობიდან დღემდე; ასევე, იმ ხალხის ამბავს, ვინც ამ დიდებულ მუსიკას ქმნიდა და ქმნის - ლეგენდარული ბადი ბოლდენიდან უინტონ მარსალისამდე.

ლუი არმსტრონგს უთქვამს: "ის, ვინც მეკითხება რა არის ჯაზი, ვერასოდეს გაიგებს, მართლა რა არის ჯაზი!"

იკითხეთ "ჯაზის ცხოვრება" და ნუღარ იკითხავთ "რა არის ჯაზი?"

პირველი წიგნი, რომელიც ქართულ ენაზე წავიკითხე, ვახტანგ ჯალიაშვილის "ინსტრუმენტული ჯაზი" იყო, 70-იან წლებში დაბეჭდილი გაცრეცილი გამოცემა, რომელიც იმ პერიოდისთვის ალბათ, ამ თემაზე დაწერილი ერთადერთი წიგნი გახლდათ ჩვენს სინამდვილეში. მას შემდეგ გავიდა წლები, აკრძალვა ჯაზზე მოიხსნა, მისი მოსმენა ე.წ. კარგი ტონის აუცილებელი შემადგენელიც კი გახდა, მით უმეტეს, თუ ინტელექტუალობაზე დებდი თავს; გაფართოვდა ამ ჟანრის შესახებ ინფორმაციის მოძიებისა და მოსმენის შესაძლებლობები, გაჩნდა არაერთი მიმართულება, თუმცა, ქართულ ენაზე ჯაზურ მუსიკასთან ზიარების ბედნიერება ისევ და ისევ ჯალიაშვილის გაყვითლებული გამოცემით იყო შესაძლებელი. და აი, ნავსი გატყდა. მწერალმა ზურაბ ქარუმიძემ ძალიან კარგი წიგნი შემოგვთავაზა, რომელსაც "ჯაზის ცხოვრება" ჰქვია. "მე არც მუსიკათმცოდნე ვარ და არც ისტორიკოსი - ამდენად რაიმე მუსიკალური ჟანრის ისტორიის დაწერა ფიქრადაც არასდროს გამივლია. ოღონდ ეგაა, რომ სიყვარულმა კაცს შეიძლება გონება აურიოს... ჰოდა, მეც სიყვარულმა დამაწერინა ეს წიგნი - ჯაზური მუსიკის სიყვარულმა," - წერს გამოცემის წინათქმაში ავტორი და 433 გვერდე გვიყვება ჯაზის ისტორიას - წარმოშობიდან დღემდე. ასევე გვაცნობს იმ ადამიანებსაც, ვინც ამ დიდებულ მუსიკას ქმნიდა და ქმნის, ლეგენდარული ბადი ბოლდენიდან - უინტონ მარსალისამდე.

ნანა კობაიძე

ჟურ. "ლიტერატურა, ცხელი შოკოლადი", დეკემბერი # 30, 2009

ირაკლი კაკაბაძე Irakli KakabaZe

2010-07-02T14:00:00.000-07:00

Irakli Kakabadze has been a leading figure in the nonviolent movement for social change in Georgia for more than two decades.
A member of the Civic Disobedience Committee in 1989 and during the Rose Revolution in 2003, he has since been harassed and detained repeatedly by authorities.
He is the author of five books and hundreds of essays in English, Georgian, and Russian. His play Candidate Jokola controversially depicted a love story between a Georgian presidential candidate and an Abkhaz woman. He is also an author of lyrics for “Postindustrial Boys,” and, together with Zurab Rtveliashvili, practices a literary performance style Polyphonic Discourse.
He now teaches art and peacebuilding at Cornell University.
© PEN WORLDVoices Festival 2010

_________________________________

http://cornellsun.com/section/news/content/2010/04/20/kakabadze-visiting-cornell-scholar-and-georgian-exile-will-end-resid

http://lepoissonrouge.com/events/view/1142